Tui gru jru Lê Văn Vui, chuyen khoa Noi janih ruak dalam rup, Duk Jabat pasang iek ruak Hạnh Phúc (TP.HCM), tame bilan hajan, maiar mait ralo, hareik hareim tuk halei jeng tathah saong ndap mbang rilo palaghaih ka dam klau danuac cak rok tagok. Meng nan, gru jru hu tacei brei thau dom jalan piah thau lac rambuis kayua dam klau danuac saong zona talei rak than kin yau hadei ini:

Zona talei rak than kin: Tanut hu brei mboh akaok camereip nan lac labik kalik si njauk zona ye nyu meda barah bhong merah, labik mbaok kalik nan nyu glaong jang dom labik taphia di nyu.

Ruak bhian mboh: baoh mun aia nyu hu sambo merah bhong tamuh jaik gauk, pambuak saong pagam sa mong haong gauk, yaok labik cagar tui jalan nao di talei rak. Katal, pandik saong harao biak rilo.

Kadha hu mboh hadei di mbang tamuh ruak: meda caik inem, gaok mai nyu mbak brei pandik akaok dui atah hadei di zona.

Inem rambuis kayua idam klau khoang: oh hu tanut brei thau dahlau, bhian hu mboh blaoh drei oh thau dahlau jeng ye ngak ka barah kalik hadei di tuk taom gaok haong jit di drei talei dam klau danuac. Bhian di nyu hu mboh dalam bilan hajan, di labik hu rilo aia harei tariak hadah.

Kadha bhian hu mboh: kalik bhong merah gam haong tamuh mun aia atau mun hu saong pabum laneh, ngak jeng inem atau brei gandung harao, barah hasit, takik katal.

Dom hagait hu mboh hadei di ruak: Bhian di nyu mayah ruak nyual ye caik inem sam di angaok kalik saong nyu meda abih tui atah dhua di nan.

Dam klau danuac oh kaik ngak jeng iem rambuis, min kayua lac jru mek pederin nyu hu dalam rup Dam klau danuac ngak brei kalik njauk rambuis. Yau nan min, meyah duah mboh saong hu jalan ngak njauk, ye mboh rilo nyu oh daok ngak brei kanjah jhak ka rup bhap. Gru jru Lê Văn Vui hu tacei pato 2 jalan ngak hadei di ini:

Jalan ngak ka 1: Pasiam inem rambuis di sang: rao meng aia hacih atau meng jru aia sara piah caga ia jit kanyah di dalam rup anek Dam klau danuac; atau pambuak haong aia sabon piah rao jru mek di dam klau danuac di angaok kalik. Njauk caik hatai, juai garao khang tangin kayua ngak yau nan mbuan brei ka ia jru mek nyu di dalam rup anek dam klau danuac pambak prong, ngak oh siam brei ka kalik anek manuac.

Jalan ngak yam ka 2: Nao tal labik pasang iek ruak piah hu mong iek saong taong mek ruak tantu.

Jalan pacang caga saong xu ly tuk gaok idam klau khoang

Dalam bilan hajan, piah pacang caga inem rambuis kayua dam klau danuac, ye mikva drei takik peih baoh pambang katho bambang marang dalam sang, njauk caik hatai di nyu hu lac dalam dom harei hajan; laik khan bai di pambang katho bambang marang, pagam mek hanjuan pacang caga con trung di pambang katho, lubang hahuan thong khi; ndih njauk kak kamo; takik jang saong njauk caik hatai tuk dang ala gom manyek hadah di langiu mblang; njuak truac menyek hadah di anak mblang piah pachreih dam klau danuac di dalam tabiak langiu jeng ye di langiu par tame dalam sang; puh ramik hacih sa-at vin taom dhar sang piah pacang cacak, ngak brei tayah tayac labik daok di dam klau danuac; ruh yuh khang khan ao, tanjak saong kamo, aphui dahlau di tuk pandar; Meyah mboh anek dam klau danuac angaok kalik, juai pah atau galik garao blaoh njauk tanjah dhan; tuk ngak bruk di labik hu rilo anek con trung, njauk me-om nduan, cuk khan ai atah tangin piah pacang caga; meyah mboh hu biak rilo anek con trung saong dam klau danuac, ye njauk pandar jru pruh pametai anek con trung./.