Tui jabat polih kong an, meng bilan 7 tal bilan 9 thun 2025, kapul mek angan agama oh lagaih tui adat brei anagn “Ba Na Đêga Kon Kông” hu dui katung labaih 350 urang di 22 palei daok di 7 xa tinh Gia Lai hu mbaok tame. Luac jalan pasang duah hu brei mboh, dom urang nan hu padang sa bruk ngak tani tanat, dauk dalam bruk ngak agama piah pathau khan ka jalan sahaneng neh tabiak, pacuh bruk parabha bangsa, ngak cagar karja saong jak ba rik jien suan hukum piah duh bruk ngak bangal.

Thuong ta Phan Thanh Hải, Phaok Akaok jabat An ninh dalam negar, Kong an tinh Gia Lai brei thau, biak nao “Ba Na Đêga Kon Kông” lac bruk karei di kapul “Tin lành Đêga” kayua dom kol Fulro dalau daok di langiu negar pacuh, pato tacei piah ngak srau kadau an ninh dalam bhum. Dalam 10 harei kreih bilan 5/2026, Kong an tinh Gia Lai hu kaoh duas bruk ini piah pasang duah bruk “Ngak chung tui sarak gul pataom di karja nagar”, mek dom kol hu makna dalam kapul mek angan agama oh lagaih ini.

 “Dom kol dui katung saong parilo urang tame bhum mikva bangsa takik piah jeng gah hu jalan sahaneng ngak cagar, bangal karja, piah pambak, pacuh, pabak khau tin ka dom kol ngak cagar daok di langiu negar langiu, ndom thaoh mayai bleik brei ka bruk an ninh chinh tri, saong raidiuk di rahra, maong beuk nan lac bruk piah lac Viet Nam ngak suan quyen ngak po, quyen menuac urang, piah ngak kurang bruk saong angan je di negar drei.”

Di dom mbon palei, taha palei, urang hu angan je, bi thu chi bo, akaok palei jeng dom urang hu makna dalam bruk pathau khan, jak ba mikva thau cambaih laih bruk ngak, jalan ngak di dom kol bangal dauk dalam agama. Ong Đinh Chroh, Bi thu Chi bo gam ngak Akaok mbon palei Tơ Drăh, xa Bờ Ngoong brei thau:

“Drei ndom mayai saong mikva lac Viet Nam drei hu 54 bangsa adei sa-ai. Oh neh rabha urang Ba Na, urang Jrai atau urang Yuen jeng dom bruk ieu lac “agama karei”, nao cagar karei haong bruk gul pataom taong abih bangsa”

Dai ta Phạm Hữu Trường, Phaok Yam ndok Kong an tinh Gia Lai brei thau, masuh saong dom bruk pambak tame agama piah ngak cagar tuk halei jeng hu Ndang uy, Mbang Yam ndok Kong an tinh brei mboh lac bruk hu makna dalam bruk khik kajap karo an ninh negar, khik kajap bruk tani tanat dalam bhum. Langiu dom bruk di kong an, kapul kong an daok patagok bruk di taha palei, urang hu angan je saong dom urang hu ngak suan hu medeih, gac akaok.

Bruk masuh haong dom kapul pambak tame asal kadha mek angan agama, mek angan bangsa piah cagar ngak bleik di Tay Nguyen dalam nan hu tinh Gia Lai hu brei thau lac daok suai atah, srau kadau. Min, ngan haong bruk tame ngak tani tanat di kapul chuc nang, gam haong bruk sa hatai di pakat uy, karja saong rahra mbon palei, dom bruk ndom thaoh, ngak cagar dauk dalam agama lac oh hu taneh piah ngak bruk di nyu; bruk sron mbon salamat patui veik hu khik kajap di dalam bhum ceik glai Tay Nguyen./.