Tui Bac si juru chuyen khoa 1 angan Lê Thị Thuý Hằng, urang di Sang iek ruak Dai hoc Y duoc Ban raya HCM – labik 3, tui ilamu y hoc co truyen kan dalau mai jeng ye ilamu y hoc bahrau, bruk ndih malam lac tukvak hu makna piah rup pabhap pasiam pabak prein yawa nang luong, pasiam brei ka ralo darah te bao saong palagaih bruk di dom labik dalam rup pabhap.

Bruk ndih oh lac tukvak brei ka sa janih padeih padei blaoh nyu daok ieu lac luac jalan pasiam sinh ly ralo darah dalam rup pabhap manuac urang. Dalam tuk ndih, rup pabhap ngak bruk pasiam pabak prein yawa nang luong, palagaih bruk hu majam arak than kinh, paglaong majam pacang ruak, pasiam dom te bao ralo darah njauk kan kandah saong pasamu ralo darah rak aring dalam rup.

 Meng di nan, bruk ndih siam lagaih daong khik tani tanat prein yava, glo akaok hadah krah, pasiam bruk hadar, bruk pataom tame sa bruk saong paglaong siam lagaih bac megru, ngak bruk dalam harei hadei di nan. Langiu di nan, bruk kurang ndih atau medeih malam suai atah meda ngak kurang prein yawa di dalam rup pabhap, pambuak kanjah tal prein yava rup pabhap atau prein yava hatai sahaneng.

Tui ilamu y hoc co truyen meng kan dalau mai, tukvak malam lac tuk brei ka rup pabhap raong darah la-an darah saong pasiam bruk di dom baoh hatai tạng phủ. Dalam nan, meng labaih tuk 23– tal tuk 1 ieu lac tuk kadung phik ngak bruk khang, daok meng tuk 1 – tuk 3 lac tukvak di gan. Ini lac 2 tạng daong khik siam darah tàng huyết, palagaih khí huyết darah saong daong pa-abih janih jhak. Kayua yau nan, bruk medeih malam bhian hu maong yau lac meda ngak kurang huyết darah, kan kandah brei ka baoh thận âm saong ngak ka khí darah lahik pasamu di nyu.

Tui ilamu y hoc jaman ini, medeih malam bhian meda ngak srau kadau ragam paoh di ralo darah sinh hoc di rup pabhap. Langiu di nan, rilo roh duah brei mboh bruk kurang ndih dui atah daok pambuak tal bruk mbuan si tagok darah, ruak arak baoh hatai saong matai dial.

Langiu di nan, suai ndih malam jeng pambuak tal jalan palagaih darah rak ring saong salih nang luong, ngak tagok bruk mbuan si lamek bhi, me-ik saradang janih 2 saong dom srau kadau salih. Oh lac pambuak tal prein yava rup pabhap, kurang ndih daok pambuak rilo tal hatai glo akaok, ngak ka rup pabhap mboh suhsah duh hatai catang akaok. Kurang bruk pataom tame sa bruk, siam lagaih di bruk bac megru, ngak bruk.

Tuk rup pabhap glaih glar kayua medeih malam ye khol drei hu mboh yau ye: kan si ndih atau ndih oh ginup, tek wah harei, pandik akaok, having akaok, glaih glar dui atah, kan pataom tame bruk, kalik salih sambo saong mbuan ndaih mun.

Piah pacang khik prein yava saong khik tani tanat baoh jam patuk brei ka rup pabhap sinh hoc ka tani tanat saron mbon, yaok urang brei padang bruk bhian randap ndih daok brei ka hu ilamo. Bac si pachreih kakei brei ndih dahlau di tuk 23 tuk, patakik pandar smart phone atau dom kaya ndap nda ndien tu dahlau di tuk si ndih, plaih menyum kophi, ia taiy phik saong dom kaya menyum hu caffein dalam malam. Langiu di nan, bhian khik tani tanat bruk pahat padhih rup pabhap saong ngak jeng labik ndih gandi gandang, laneing lanoi jeng daong pasamu bruk ndih bangi ndih ginup.

Bac si chuyen khoa jru 1 angan Lê Thị Thuý Hằng pachreih kakei: “Sa bruk ndih ginup saong bangi oh lac daong rup pabhap pasiam hadei sa harei ngak bruk blaoh daok daong paglaong siam lagaih bruk bac megru, ngak bruk. Kayua yau nan ye, ndih njauk tukvak masa saong ndih ginup tukvak maong yau lac sa di dalam dom bruk bhian randap hu makna piah sangka prein yava suai atah”./.