1.  Dalam bilan pandiak bhang, njauk brei ka uranaih daok dalam sang laneing lanoi, halui la-an, plaih caga brei ka uranaih me-in, pahat padhih di langiu langik pandiak biak suai. Meyah njauk tabiak di langiu, brei ka uranaih cuak talmo praong gavang, khan ao hadah sambo, meng janih khan bai njuel njac. Meyah nao tasik, oh brei ka dom adei menei dalam tuk pandiak meng tuk 10 page tal tuk 16 biar harei. Tuk uranaih laik tame bruk pandiak, brei aval drah ba uranaih tame labik halui, laneing lanoi saong duah jalan patrun pandiak rup ka uranaih saong uh meng khan la-an, taoh cadu khan ao, pabak ia saong janih ia halai meng bruk menyum.

2.  Njauk caik hatai lac bruk dinh duong mbang huak brei ka uranaih, brei ka uranaih menyum ia, khik kajap “mbang tasak, menyum tasak”, halau kaya mbang brei ka that, hacih, kaya brei ka uranaih mbang brei hu hacih sa-at, khik kaya mbang ka njauk hacih.

3.  Patakik brei ka uranaih me-in atau nao tal dom labik rilo menuac urang piah plaih njom dom ruak pambuak tal jalan thuak yava.

4.  Srap gap brei ka uranaih klauk jru caga ginup, njauk tukvak.

5.  Khik hacih sa-at rup pabhap saong labik daok di uranaih. Pato uranaih thau rao tangin meng sabon, dahlau tuk mbang huak, hadei tuk nao hanjol drei pahacih rup…

6.  Ngan haong kein lagaih pandiak catang, amaik ame jeng brei pasamu dom jalan caga ruak saong pacang pandiak tuk pandar jamraik ngak pandiak la-an yau hadei ini:

- Nhiet ndo jamraik ngak pandiak la-an: Nhiet ndo dalam bilik sang oh samu haong langiu langik oh tapa 5 ndo C.

- Oh peih jamraik ngak pandiak la-an luac harei. Peih jamraik gam gam luac harei ngak kan kandah praong tal prein yava tuk daok dalam aduk bilik sir peih jamraik ngak pandiak la-an. Daok dalam labik la-an 4 tuk gam gam bhian ngak ka kalik thu saong mbuan barah pandik tarakaong. Amaik ame brei patakik tukvak pandar jamraik ngak pandiak la-an di uranaih meng 2 tal 3 tuk.

- Uranaih daok dalam labik la-an oh brei tabiak langiu katuak piah plaih caga bruk shock pandiak mbuan ngak tamuh ruak hakik yau pandik akaok, pandiak rup… kayua rup pabhap uranaih oh dil samu parandap lagaih tui pandiak laan. Tuk tabiak truh aduk bilik brei peih praong bambang saong padam jamraik ngak la-an 15 – 30 minit dahlau tuk tabiak truh bilik, piah ka uranaih jaik jang haong langiu langik, piah ka rup pabhap dil samu randap lagaih haong arthak bahrau.

- Oh luai ka uranaih menei di labik hu jamraik ngak la-an. Labik uranaih plaih angin jamraik la-an yuk tame – njauk ndom tal lac akaok saong tangin takai, plaih bambang marang.

- Jamraik ngak la-an brei hu tadik jamraik tathuak angin: Tuk pandar jamraik la-an brei hu labik hueng dalam bilik piah ka arthak hu gilaong tabiak tame, patakik anek ruak, virus njom tame rup pabhap uranaih.

-  Caik hatai tanut tathah dalam bilik. Meda pandar jamraik ngak tanut tathah atau pakuang ia dalam bilik piah paglaong tanut tathah.

- Pahacih sa-at bhian bhian di labik halang angin kayua jamraik pandiak la-an pataom dhur mun lavik harei meda ngak ka uranaih njauk di ung.

Bilan pandiak lac kein lagaih brei ka bamao saong dom anek ruak kanjah jhak patagok, lac labik pandaok, menek mebaoh  saong pambak takai ruak biak samar. Ruak bilan pandiak oh lac biak jhak min meyah oh caik hatai maong tal, sangka tal nyu, oh hu pasang mboh saong taong padam dil samu, ruak meda trak jang. Kayua nan, langiu bruk ngak hacih sa-at salamat kaya mbang, khik labik diuk rai siam mekre, dom amaik ame jeng brei caik hatai tui iek jaik uranaih. Tuk mboh uranaih hu bruk oh yau bhian ye brei ba uranaih nao pasang iek ruak di dom labik y te piah hu pasang mboh saong taong padam dil samu./.