Đhị pleng k’tiếc cha noọng gooh, tơơm chr’noh căh choom ha dưr liêm, đhanuôr chr’val H’bông, chr’hoong Chư Sê, tỉnh Gia Lai ơy choh a tao, t’vaih bh’nơơn tệêm ngăn, r’dợ bhrợ pa dưr ca van.

Pazêng c’moo đăn đâu, bh’rợ choh tơơm cha plêê đhị apêê vel đong da ding ca coong tỉnh Quảng Nam ha dưr k’rơ pa bhlầng. Tơợ bh’rợ nâu ơy n’leh vaih bấc cr’nọo bh’rợ đọong ha đhanuôr da ding ca coong vêy bh’nơơn dal lâng t’vaih c’lâng lướt t’mêê coh bhrợ têng cha âng đhanuôr da ding ca coong. C’nặt t’ruih “Xay moon cơnh choom bhrợ têng cha” t’ngay đâu, xay moon đoọng ha đhanuôr ting năl cr’nọo bh’rợ choh tơơm cha p’lêê pa zưm lâng băn g’dớ âng pr’loọng t’cooh Đoàn Xuân Chường ặt đhị vel Quyết Thắng, chr’val Ba, chr’hoong da ding ca coong Đông Giang, tỉnh Quảng Nam lâng bh’nơơn bơơn k’nặ 300 ức đồng zập c’moo.

Tơợ đanh, đhanuôr đhị da ding ca coong tỉnh Lai Châu buôn leh pay hi la za nươu tơợ crâng chô đoọng pa dưah apêê ca ay. Xọoc đâu, bấc m’ma za nươu chr’năp ơy bơơn đhanuôr đơơng chô choh, t’vaih c’lâng lướt t’mêê coh pa dưr kinh tế, r’dợ pa xiêr đha rựt, pa dưr ca van đanh mâng.

Đhị chr’hoong da ding k’coong Tây Giang, tỉnh Quảng Nam, bh’rợ ta đhâm c’mor bhrợ cha, bhrợ t’vaih cr’van cr’bhộ đhị đhăm k’tiêc âng vel đong ting t’ngay bâc lâh mơ. Tơợ bh’rợ n’nâu n’leh bâc apêê ta đhâm c’mor manuyh Cơ Tu bhrợ cha choom, n’năl cơnh đươi khoa học kỹ thuật ooy bh’rợ tr’nêng. T’ruih: Xay moon h’cơnh choom bhrợ cha bêl đâu, xay truih ooy đhanuôr lâng pr’zơc bh’rợ choh sâm ba kích đh’rưah lâng b’băn bơơn pay pa chô lâh 300 ức đồng coh zập c’moo âng ađoo pân juyh Cơ Lâu Thái Ngọc ăt coh cr’noon Pr’ning, chr’val Lăng, chr’hoong c’noong k’tiêc Tây Giang.

Hau đươi zâng lâng đhr’năng ha ul đha rựt bêl vêy bhươn k’tiếc, bấc c’moo đâu, prloọng đong anoo Nguyễn Trí Vinh, ặt đhị vel Nà Cang, chr’val Hát Lót, chr’hoong Mai Sơn, tỉnh Sơn La ơy k’rong cr’nọo bh’rợ choh tơơm cha p’lêê, nắc lêy choh táo lâng pih bhung đơ bhlầng, vêy bh’nơơn dal đơơng chô kinh tế dal lâh. Cr’noọ bh’rợ nâu ơy zooi pr’loọng đong a noo dưr ca van, bơơn bấc đhanuôr ting pachoom bhrợ têng.

Đoọng pa dưr râu chr’năp coh mr’cơnh đhăm choh bhrợ, coh cr’chăl đăn đâu, bâc đhanuôr ch’choh b’băn coh da ding k’coong tỉnh Quảng Nam năc xăl m’ma chr’noh chr’bêệt, bh’năn băn crêê cơnh lâng đhr’năng k’tiêc k’bunh, pleng k’tiêc, chô đơơng râu liêm choom ooy kinh tế bâc bhlâng. Coh đêêc, bh’rợ choh tơơm pay cha p’lêê âng pr’loọng đong p’căn Đậu Thị Tuyên coh chr’val Ba, chr’hoong Đông Giang bơơn pay pa chô tơợ 200- 300 ức đồng coh muy c’moo, năc manuyh bhrợ cha choom âng đhanuôr bhrợ ha rêê đhuốch da ding k’coong tỉnh Quảng Nam.

Cr’chăl hanua, tơợ zên vặ t’đui đoọng âng Ngân hàng Chính sách Xã hội, đhanuôr zâp acoon cóh Cơ Tu, Ve, Tà Riềng cóh chr’hoong k’coong ch’ngai Nam Giang, tỉnh Quảng Nam vêy pr’đơợ k’rong bhrợ pa dưr pa xớc zâp bh’rợ liêm choom. Tu cơnh đêếc, bấc pr’loọng đhanuôr cắh mưy dưr zi lấh đha rứt nắc dzợ dưr váih đợ pr’loọng z’zăng lấh mơ.

Nắc ma nuyh zay t’bech đhị bhrợ têng cha, t’cooh Phạm Ngọc Thân ặt đhị vel 4, chr’val Tân Hòa, chr’hoong Buôn Đôn (Đắk Lắk) ơy bơơn hơnh deh nắc muy coh 63 cha nắc đhanuôr bhrợ cha choom bhlầng coh prang k’tiếc k’ruung c’moo 2021. Căh muy bhrợ cha choom, t’cooh dzợ zooi bấc hội viên đhanuôr lơơng z’lâh đha rựt, ting chroi k’rong bhrợ têng vel bhươl t’mêê lâng zooi apêê lưm k’đhap k’ra đhị vel đong.

Tơợ pr’đơợ liêm choom đăh k’tiếc k’bunh, pazêng c’moo hay, tỉnh ca noong k’tiêc Lai Châu ơy k’rong pa dưr bh’rợ bhrợ têng ha rêê đhuôch ting cơnh c’lâng k’rong bhrợ têng hàng hoá. Đh’rưah lâng zập rau tơơm chr’noh ơy vêy tơợ a hay cơnh chè, ha roo, mắc ca, tơơm cha p’lêê… ơy đơơng chô bh’nơơn kinh tế dal, r’dợ dưr vaih nắc bh’rợ bhrợ têng cha bha lầng đhị vel đong.