Ti knăm anei, Khua lăn čar Tô Lâm mñă klă, Đảng, Knŭk kna lehanăn mnuih ƀuôn sang Việt Nam jih ai tiê bi myuôm klei bi mjĕ mâo mŏng đưm, jing ƀĭng kna jing ayŏng adei hŏng Cuba, bi êdah klei mơak hlăk klei bi mjĕ dua ala čar amâo mdei dưi bi kjăp lehanăn đĭ kyar kluôm hlăk tar rŏng lăn dôk mâo dleh dưi ksiêm dlăng.
Čiăng lŏ dŏng mđĭ hĭn klei bi mjĕ kluôm plah wah Việt Nam lehanăn Cuba, Khua lăn čar mtă kơ dua tĭng krơ̆ng kjăp hdră bi trông hluê êpul, bi hgŭm kjăp, pŏk ngă tŭ dưn dŭm klei kuôl kă gưl dlông, dŭm klei bhiăn hgŭm bruă dôk mâo kñăm ba klei bi mjĕ Việt Nam – Cuba ba wĭt boh tŭ klă sĭt hĭn. Lač kơ hdră bi hgŭm dua nah, Khua lăn čar čang hmăng kơ dua tĭng pŏk ngă tŭ dưn dŭm hdră bi hgŭm mđĭ kyar bruă lŏ hma, mtrŭt mđĭ hdră duh mkra – mnia mblei dua nah, ăt msĕ mơh pŏk mlar hdră bi hgŭm hlăm dŭm bruă dua tĭng dôk mâo klei găl./.
Viết bình luận