Klei kƀĭn ba mdah klei bi klă mơ̆ng Khua knŭk kna bi klă čuăl mkă krĭng Lăn Dap Kngư wưng thŭn 2021 – 2030, tă hdră truh thŭn 2050. Hluê anăn, wưng thŭn 2021 – 2030, krĭng Lăn Dap Kngư mdưm mta kñăm đuĭ kyar mnơ̆ng dhơ̆ng kah knar mơ̆ng 7 – 7,5%, hnư hrui wĭt kah knar grăp čô mâo 130 êklăk prăk. Klei kƀĭn trông ăt ksiêm wĭt 1 thŭn hluê ngă hdră mtrŭn mrô 23 mơ̆ng Phŭn bruă kđi čar leh anăn hdră ngă bruă mơ̆ng knŭk kna kơ klei mđĭ kyar bruă duh mkra ala ƀuôn, răng mgang klei êđăp ênang ti krĭng Lăn Dap Kngư.

Bi klă klei kƀĭn trông, k’iăng Khua knŭk kna Trần Lưu Quang lač, hlăm wưng êgao, bruă duh mkra ala ƀuôn krĭng Lăn Dap Kngư mâo lu klei mlih jăk. Mâo klei kdlưn hĭn hlăm wưng kơ anăp hŏng 3 bruă dưi ngă mtam. Anăn jing mkŏ êlan klông, tal 2 jing mđĭ kyar bruă hiu čhưn ênguê hŏng êpul, hŏng tour ƀiădah grăp anôk hiu čhưn ênguê srăng mâo klei mdê hjăn. Tal 3 bi kah mbha hlăm bruă iêo jak klei duh bi liê hlăm leh anăn êngao lăn čar.