VOV4.Jarai-Do\ [ơi anih hơjăn păn krah glai kmro\ng dêh ]ar ta wai lăng ]i Yok Đôn, [on Drang Phôk, ataih mơng să Krông Na, tơring glông {uôn Đôn, tơring ]ar Daklak le\ 20 km jơlan lo\n, amăng glai klô.

Sa boh [ôn tơnap tap biă mă, dưi tuh pơ alin hăng Hơdră bruă 135, kơnuk kơna  djru, hơmâo tơlơi gum ba mơng tơhan pơgang goai dêh ]ar tơring ]ar Daklak laih anun gong gai kơnuk kơna [ơi să, tơlơi hơdip mơda mơnuih [on sang [on Drang Phôk jai hrơi glăk bơplih pơđ^ tui.

 Minh Huệ, pô mă tơlơi pơhing phrâo ]ih ră ruai glăi tui anai.

Do\ plah wah amăng glai klô, plao kmro\ng kyâo kơpal, hlâo adih tơlơi hơdip mơda rơbêh 100 boh bơbung sang mơnuih [on sang djuai ania Êđê, Jarai, M’nông, Lao do\ hrom, abih bang 500 ]ô mơnuih amăng plơi Drang Phôk kơnong ưh kơnang kơ bruă hyu đom bua lua pơnah hlô glai, ngă hmua jơnah jah glai [ơi hmua kơdư, tơju\ pla pơdai kơtor sa bơyan đô].

Sa boh plơi do\ tơnap tap biă mă, thun 2007, tơhan pogang goai dêh ]ar tơring ]ar Daklak jing puih tơhan gơgrong ba phun djru pơ hơđong tơlơi hơdip mơda kơ mơnuih [on sang, ako\ pơjing hơbo# mă bruă, bơwih  [ong huă.

Hrom hăng khoa moa gong gai kơnuk kơna, ling tơhan pơgang goai dêh ]ar hơmâo ]ông jơnah jah glai, rơbêh 17 ektar hmua ia, laih anun klơi hnoh pơđoh ia rô, pling nao pơ hmua.

Khul mă bruă mơng puih tơhan pơgang goai dêh ]ar Sre Pok, hlong nao do\ hrom, huă [ong hrom hăng mơnuih [on sang; mă bruă hrom hơbit, djru mơnuih [on sang rah pơtem pơdai hmua ia dua bơyan, [rư\ [rư\ djru kơ mơnuih [on sang bơplih tơlơi hơdip mơda.

Neh Bun Kẹo Lào, mơnuih [on sang plơi Drăng Phôk, brơi thâo:

“Dong mơng hrơi hơmâo kơnuk kơna djru tơlơi hơdip mơda mơnuih [on sang gơmơi bơplih [iă laih, plai [iă mơn ư\ rơpa, tơnap tap kah hăng hlâo;

Ră anai, ngă hmua ia tơju\ pla rah pơtem dua bơyan ăt mơboh lu mơn, hơmâo pơdai jor kơtor lu [iă”.

Gleng nao kơ tơlơi hơdip mơda mơnuih [on sang, 10 thun mơng hlâo adih, ling tơhan pơgang goai dêh ]ar, tơring ]ar Daklak hơmâo jak iâu djru man pơdong anih pơkă lăng hăng pơjrao tơlơi duăm ruă kơ mơnuih [on sang, yua nai ia jrao ling tơhan hăng mơnuih [on sang ngă hrom [ơi plơi Drăng Phôk; arăng brơi nao nai ia jrao thâo mơbruă djru mơnuih [on sang, laih anun djru ba djop gơnam yua mă bruă pơkă lăng hăng pơjrao duăm ruă.

Yua kơ anun, [on Drăng Phôk huăi hơmâo tơlơi duăm pơgrun dong tah, duăm đung drah ăt huăi hơmâo lơi.

Mơnuih [on sang thâo hơdră pơhlôm pơgang mă pô hu\i măt gơnam [ong huă, kah hăng pe\ bơmao amăng glai, [ong mơnong aj^ aro\, a`ăm mơnong tlan ala đơ đa…Y Không, do\ pơ [on Drăng Phôk, lăi tui anai:

“Mơnuih [on sang gơmơi do\ pơ kual ataih djơh hăng anai, hlâo adih tơlơi dju djuăm duăm ruă lu biă mă, [u hơmâo ôh nai ia jrao [udah sang ia jrao thơ, kơnong ngă yang djă hla tơpa gai đô].

Ră anai, hơmâo tơhan pơgang goai dêh ]ar puih kơđông 743 djru ba, laih dong [ing khoa moa tơhan pơgang goai dêh ]ar juăt rai ]uă djă ba ia jrao, pơkă lăng tơlơi duăm ruă kơ ană plơi, hlong [ơk ia jrao tơl sang, djru kơ mơnuih [on sang do\ pơ kual ataih kah hăng gơmơi anai plai [iă duăm ruă. Gơmơi bơni biă mă kơ tơhan djru kơ ană plơi pla”.

Kơ hơdôm bruă mă djru ană plơi mơng tơhan pơgang goai dêh ]ar, Đại úy Phạm Văn Hứng, khoa apăn bruă kơđi ]ar Puih kơđông Sre Pok, lăi:

“Ngă klă amăng bruă jak iâu, pơtô lăi ană plơi, mă bruă hmua, pla pơdai kơtor, ngă hmua ia dua bơyan, pơđ^ tui tơlơi hơdip mơda kơ mơnuih [on sang, [uh boh tơhnal dưi tu\ mă hiam mơak, tơlơi hơdip mơnuih [on sang jai hrơi pơđ^ kyar tui, ]ơđai muai anet dưi nao hrăm hră, djru hrom pơđ^ tui tơlơi thâo hluh kơ mơnuih [on sang, brơi lui h^ tơlơi pơluk mơgu hơđăp ngă yang rơbang djă hla tơpa gai, laih anun ană plơi hur har gum hrom tơhan pơgang goai dêh ]ar pơgang tơlơi dưi kơ lo\n ia pô”.

Yua hơmâo tơlơi gum djru mơng kơnuk kơna hăng tơhan pơgang goai dêh ]ar, [on Drăng Phôk hơmâo laih apui lơtrik dêh ]ar pơke\ brơi yua, hơmâo ring bruă ia hơdjă pơtum sa anih, sang ia jrao ling tơhan hăng mơnuih [on sang ngă hrom, sang hră pioh kơ bruă pơtô ]ơđai anet…, tơlơi hơdip mơda mơnuih [on sang jai hrơi dưi bơplih tui. Ơi Lê Tiến Dũng, Kơ-iăng khoa jơnum min să Krông Na, tơring glông {uôn Đôn, brơi thâo:

“Hlâo adih mơnuih [on sang ngă hmua aka [u ngă tui hơdră phrâo ôh, anun mơboh aset đô].

Laih hơmâo tơlơi djru mơng ling tơhan, biă mă `u tơhan pơgang goai dêh ]ar pơtô brơi, anun mơnuih [on sang thâo ngă tui mơne] phrâo ia rơgơi, pơdai kơtor mơboh lu, boh nik `u pơdai hmua ia, dong mơng anun, tơlơi hơdip mơda mơnuih [on sang bơplih [uh rơđah rơđong biă mă, huăi ngă bơbe] djơ\ nao kơ kual glai klô Yok Đôn, tơlơi thâo hluh mơng mơnuih [on sang kơ bruă wai pơgang glai rưng jai hrơi dơlăm tui, djru hrom pơgang dram gơnam lo\n glai hăng ayuh hyiăng kơ dêh ]ar.

{on Drăng Phôk kơnong sa amăng hơdôm boh [on amăng kual giăm goai dêh ]ar glăk bơplih phrâo hơmâo tơlơi djru mơng tơhan pơgang goai dêh ]ar tơring ]ar Daklak.

Amăng 4 thun giăm anai, tơhan pơgang goai dêh ]ar tơring ]ar Daklak pơphun 4 boh anih pơtô hrăm hră kơ [ing aka [u thâo hră hrăm amăng tlam mơmo\t, pơkă lăng hăng pơjrao tơlơi duăm ruă kơ 10 rơbâo wơ\t mơnuih [on sang duăm ruă huăi apah prăk ôh, man pơdong hơdôm pluh ring bruă djru tơlơi hơdip mơda mơnuih [on sang laih anun jao sang khăp pap kơ mơnuih [un rin tơnap tap do\ pơ hơdôm să kual ataih giăm goai dêh ]ar.

Kơtưn brơi mơnuih ping gah glăi jơnum ping gah amăng plơi pla, ngă tui hơdră do\ hrom, mă bruă, [ong hrom hăng ană plơi pla, djru mơnuih [on sang ngă hmua pla pơjing, tơhan pơgang goai dêh ]ar do\ je\ giăm tong ten biă mă hăng mơnuih [on sang, ako\ pơdong kual goai dêh ]ar hơđong pơđ^ kyar.

Đại tá, Nguyễn Lượng Hòa, mơnuih apăn bruă kơđi ]ar, sang bruă khoa git gai tơhan pơgang goai dêh ]ar tơring ]ar Daklak brơi thâo:

“{ing gơmơi pơtong rơđah bruă mă je\ giăm mơnuih [on sang jing hơdră mă bruă phun kơ [ing gơmơi, pok pơhai lu hơdră gah ling tơhan djru hrom tơlơi tơnap tap mơng mơnuih [on sang do\ [ơi kual giăm goai dêh ]ar, tơhan pơgang goai dêh ]ar tơring ]ar Daklak pok pơhai lu hơdră bruă yom pơphăn tu\ yua kơ mơnuih mơnam kah hăng hơdră pơdong sang kơ mơnuih [un rin, djru djuai rơmô pioh rông, gum ba ]ơđai tơnap tap nao sang hră, hơdră man pơdong sang ia jrao ling tơhan hăng mơnuih [on sang, pơtô hrăm hră kơ ]ơđai sang hră gưl sa.

Hơdôm bruă mă anun, djru kơ mơnuih [on sang kual giăm goai dêh ]ar plai [iă tơlơi tơnap tap.

Anun le\, hơdră ling tơhan pơgang goai dêh ]ar tơring ]ar Daklak hơdor tơngia kơ mơnuih [on sang, djru hrom, lăng ba mơnuih [on sang, tơnap tap gleh glar hrom hăng tơhan pơgang goai dêh ]ar kiăng bong kjăp pơgang tơlơi rơnuk rơnua [ơi kual goai dêh ]ar ta lo\n ia ta khăp [u-eng”.

Nay Jek: Pô ]ih hăng pôr