Tui hăng anun, Ping gah anom bruă kông an dêh čar, khua mua Ding jum kông an hơmâo jơlan hơdră pơtrun, brơi ngă tui akŏ bruă man pơdong 1.400 boh sang, djru sang anŏ hơmâo ngă bruă hơkrŭ rơnuk blah ngă, sang anŏ mơnuih djuai ƀiă ƀun rin, sang anŏ tơnap tap amăng tơring čar Kon Tum. Sa boh sang či man pơdong, dưi djru 60 klăk prăk mơ̆ng keh prăk mơnuih mơnam djru ba yua kơ Ding jum kông an jak iâu pơčruh.

Kiăng sang man pơdong phrâo anun, hiam klă hloh, kơjăp brơi mơnuih ƀun rin dŏ hơđong pran jua, tơring čar Kon Tum amra jak iâu pơčru pơhrua dơ̆ng, đơ đa djru pran jua, hrơi bruă man pơdong....Tơring čar Kon Tum ƀuăn mă yua rơnoh prăk mơ̆ng Ding jum kông an pok pơhai bruă mă tŭ yua hloh hăng gir run ngă pơgiong akŏ bruă man pơdong 1.400 boh sang dưi giong hlâo kơ lơ 30/6 thun anai. Truh ră anai, tơring čar Kon Tum hơmâo man pơdong hăng ming pơkra rơbêh 1000 boh sang amăng mrô 2.752 boh sang kiăng man phrâo hăng ming pơkra glăi.