Tal blung a ƀơi anih pơdah tơlơi adôh suang Hồ Gươm, giăm hmâo 300 čô mơnuih thâo adôh suang, ƀing pĕ gông atông brô̆ nao pơdah hơdôm tơlơi adôh suang hăng gông brô̆ hmâo čih lăi nao kơ Điện Biên Phủ mơ̆ng ƀing pơčeh tơlơi adôh suang hmâo mă Pri Hồ Chí Minh; Pri Kơnuk kơna hăng Bôh pia adôh suang.

Hơdôm tơlơi adôh dưi ruah amăng jơlan hơdră leng kơ hơdôm tơlơi adôh hmâo laih tơlơi hơdip hăng dô̆ gơgrong tui thun blan, čih pơđom pioh gru nam đưm hăng gum hrŏm hăng djuai ania. Anun ăt lĕ hơdôm tơlơi adôh mơ-ak hloh hmâo jao pri ƀơi mông Jơnum tơlơi adôh suang đơ đam dêh čar, tal sa (1954). Hăng bôh yôm hăng tơhnal gru grua pơđom pioh mơ̆ng Tlaih rơngai Điện Biên Phủ, jơlan hơdră adôh suang phara anai hăng čang rơmang hluai tui er adôh, pơdah glăi tơlơi hur har lơm tlaih rơngai hăng wot hơdôm tơlơi pơsăn drơi khin hơtai mơ̆ng khul ling tơhan hăng mơnuih ƀôn sang ta amăng rơnuk blah wang ƀơi Điện Biên Phủ pơđom pioh gru grua./.