Lăi nao kơ anŏ gêh găl pơđĭ kyar bruă tuai čuă ngui ngă hrŏm găn rơgao amăng gru grua hiam kơphê, ơi Nguyễn Thiên Văn, Kơ-iăng Khua Jơnum min mơnuih ƀôn sang tơring čar Dak Lak lăi, anai lĕ anăp nao yom biă mă djru pơđĭ tui rơnohbơwih ƀong huă mơ̆ng anom bruă kơphê tơring čar.

Yua kơ anun, tơring čar hlăk pơtum amăng bruă djru hơbô̆ bruă pla kơphê hơđong kơjăp, pơđĭ kyar bruă tuai čuă ngui kiăng djă pioh gru grua hiam amăng plơi pla hăng pơđĭ tui boh tŭ yua bơwih ƀong huă brơi mơnuih ƀôn sang. Dak Lak amra tuh pơ alin čuk pơkra jơlan man pơdong anih anom gru kơnăl djă pioh bruă mă đưm ƀơi kual pla kơphê prong, pơtrut pơsur bruă ngă hrŏm plah wah sang bruă sĭ mơdrô hăng mơnuih ngă hmua kiăng akŏ pơjing rai lu mơta gơnam tuai čuă ngui hiam klă hloh.