VOV4.Jarai - Đậu khuôn đa ara\ng iâu đậu phụ dưi pơkra mơng rơtă na`, jing mơnong [ong ara\ng juăt yua amăng mông [ong huă hrim hrơi. Khă hnun hai, yua kơmlai mơ\, ara\ng pơkra dưm nao tom thạch cao pioh rơnoh kôl `u kơtang đ^, ngă prong hăng ngă khăng đậu khuôn. Hơdră ngă anai amra bơdjơ\ nao tơlơi suaih pral mơnuih blơi [ong.

            Amai Lê Thị Uyên Thu, pơ\ jơlan Nay Der, plơi prong Pleiku brơi thâo, hăng sa ]ô mơnuih tui đăo pha#t, juăt [ong a`ăm hla rok, anun lu thun hăng anai, mơnong [ong mơng sang ano# `u hmâo na nao đậu phụ. Khă hnun hai, hơdôm hrơi je# hăng anai, `u lăng [uh, đậu phụ pơdă s^ [ơi sang ]ơ hmâo hơdôm mơta pha ra hlêng hlang, [u [uh [âo hơ-êk rơtă kah hăng hlâo dih dong tah. Amai Lê Thị Uyên Thu ră ruai:

             “Sang ano# kâo yua lu mơta gơnam tam mơng đậu phụ, biă `u lom blan pang hăng blan prơmi. Amăng hơdôm hrơi tơđar, kiăng pơhrua nao mrô đạm mơng a`ăm hla rok kơ [ing ană bă, kâo ăt yua lu mơnong [ong mơng rơtă na` mơn. Ră anai nao pơ\ sang ]ơ, kâo [uh đậu khuôn [u muan kah hăng hlâo dih dong tah. Kâo ăt bơngo\t mơn, ara\ng dưm nao tom mơnong pơkon kiăng đậu phụ `u khăng hloh. Khă hnun hai, kâo ăt akă e\p [uh mơn anih anom đăo gơnang, [u dah hơ-in hloh.”

            Tui hăng ayong Nguyễn Bá Đại, pô anom pơkra đậu khuôn agaih Bắc Ninh [ơi jơlan Cách Mạng Tháng Tám, plơi prong Pleiku, tơdah đậu khuôn dưi lôm to\ng ten amăng kơdung nilong hăng khăng le\ amra `u hmâo dưm tom thạch cao lu. Yua kơ hăng hơdră ngă đậu khuôn tui phiăn juăt mơng hlâo, đậu khuôn dưi dje\t mă hăng djah rơtă na` `u ko\ng glăi, yua anun, `u [âu phu, muan hăng amu` pơ]ah. Hăng hơdră ngă anai, pô anom pơkra `u mă yua hmâo 2/3 mrô ia tơsâu mơng rơta\ na` blung a. Ayong Nguyễn Bá Đại brơi thâo:

             “Kâo mah sa\n, kâo hơtuk ia tơsâu rơtă na`, laih anun mă ia asar rơtă pơđăm mơxa\m, klai brơi `u kôl glăi laih anun djăt đuăi ia `u, pioh amăng kơdung anung h^ `u. Rơnoh kôl mơng `u hmâo năng ai `u mơng 60 truh kơ 70 đu]. Biă `u tơpnung rơtă muan, [âu phu, [âu rơtă, hơ-êk biă.”

            Ayong Đại brơi thâo dong, đậu phụ dưi klai hăng thạch cao hmâo rơnoh kôl `u abih bang mơtam mrô ia tơsâu rơtă na` blung a. Yua anun, mrô đậu khuôn ngă rai lu hloh, hrom hăng đậu khuôn ăt jing h^ khăng hloh mơn. {ing mơnuih pơkra `u [u hmâo pran jua klă, đuăi tui kơmlai amra dưm nao lu thạch cao lom pơkra đậu khuôn.

            Tui hăng ơi ia jrao Bùi Bích Đào, Khoa anom bơbuă drơi jăn, Sang ia jrao prong tơring ]ar Gialai, ano# yôm protein amăng rơtă na` ba jơlan hlâo gah mrô đạm mơng a`ăm rok kyâu, klă kơ ană mơnuih. Khă hnun hai, tơdah pioh nao thạch cao amăng đậu khuôn, `u amra ngă sat kơ tơlơi suaih pral dong. Sa le\ drơi jăn amra [u dưi hr^p mă yua kơ thạch cao [u djơ\ mơnong [ong ôh, [u l^k amăng ia. Dua le\ `u hmâo lu eh pơsơi, lom `u ko\ng glăi lu amăng drơi jăn thơ amra [u klă ôh. Đậu khuôn hmâo tom thạch cao amra ngă prung amăng kian pruăi ta, [u dah ngă ruă măt tơdơi kơ [ong mơtam. Tơdah mă yua sui, thạch cao amra đôm glăi [ơi pruăi mơda, ngă drơi jăn [u dưi hr^p mă mơnong bơbuă, hăng ngă tơdu hơtai, bôh [leh, amra ba truh tơlơi ruă kôl amruih [ơi bôh [leh dong.

            Kiăng be\ blơi djơ\ đậu khuôn hmâo tom thạch cao ruă măt, mơnuih blơi yua khom gleng nao lăng tui, ruah mă mơnong [ong pơhlôm. Djuai đậu khuôn hmâo thạch cao juăt `u khăng, amu` pơplih ia jing kơ`^ lom pioh gah rơngiao sui, [u [âu mơxa\m mơng rơtă na`. Yua anun, ara\ng s^ `u juăt lôm to\ng ten amăng kơdung nilong. Ơi ia jrao Bùi Bích Đào, pơtă:

             “Đậu khuôn [u hmâo thạch cao, djă đ^ [uh `u muan, amu` pơ]ah hăng; lom [ong, [uh `u [âu phu mơng rơtă na`. Đậu khuôn hmâo thạch cao blung a amra ko# hloh, samơ\ lom pioh sui gah rơngiao `u amra jing kơ`^ hloh rơtă pioh hơnong along `u. ~u khăng samơ\ [u [âu phu, [âu hơ-êk ôh. Dua le\, đậu khuôn [u hmâo thạch cao ta pioh gah rơngiao ta` [âu mơxa\m biă. Samơ\ đậu khuôn hmâo thạch cao `u [âu mơxa\m [u djơ\ hăng [âu mơxa\m rơtă ôh. Yua anun, [ing blơi yua tơnă hơbai ta#u hloh blơi [ơi hơdôm anih anom ta [uh sit klă hloh, [u dah anom pơkra mơ\ pô [uh hmâo hră tu\ yap. Dua le\ klă hloh anăm blơi ôh đậu khuôn ara\ng hna lui hlâo, yua kơ hna lui hlâo ta tơnap biă thâo krăn `u.”

                                                          Siu H’ Prăk: Pô ]ih hăng pôr