VOV4.Jarai-Hăng tơlơi gêh gal lo\n glai adai rơhuông, tơring ]ar Lâm Đồng jing kual lo\n pioh pla phun kyâo pơjing rai jrao s^ yom biă mă.

Thun blan giăm anai, hrom hăng pơđ^ kyar lu djuai phun boh troh, a`ăm pơtam, kơphê, atiso, Lâm Đồng do\ pla lu djuai rok kah hăng rok mih, phun hơngô mriah, hơbơi sâm ngọc linh, đảng sâm, diệp hạ châu.

Lâm Đồng kơtưn dong mơng ră anai truh thun 2020, ăt pla 300 ektar đang phun jrao kyâo, amăng anun 125 ektar phun atisô, 50 ektar đang rok mih, 30 ektar đang hơngô mriah, 70 ektar đang diệp hạ châu, hrom hăng pok prong đang kyâo jrao, pơkra pơjing gơnam s^ mơdrô kơ tuai hyu ngui, tơring ]ar Lâm Đồng ăt djru kơ anom bruă s^ mơdrô pla đang kyâo jrao amăng đang kyâo glai gơ`u wai lăng, kiăng pla lu djuai kyâo jrao yom pioh s^ mơdrô.

Nay Jek: Pô ]ih hăng pôr