VOV4.Jarai-Ăt amăng tal nao čuă ƀơi hơdôm tơring čar treng hang ia rơsĭ Tong krah dêh čar, mơguah lơ 3/3, Khua git gai pơ ala mơnuih ƀôn sang dêh čar ơi Vương Đình Huệ, nao jơnum hrŏm pôr pơthâo akŏ bruă hăng tuh pơ alin ƀơi tơring čar Phú Yên thun 2024.

VOV4.Jarai-Mơguah lơ 3/3, ƀơi Hà Nội, Khua mua amăng kơnuk kơna hơmâo mông jơnum pơbưp ƀô̆ mơta ƀrô akŏ thun phrâo hăng ƀing ngă bruă sĭ mơdrô kơnuk kơna ngă pô ba gru hlâo. Khua dêh čar ơi Phạm Minh Chính hăng hơdôm kơ-iăng khua dêh čar ơi Lê Minh Khái, Trần Lưu Quang git gai hrŏm.

VOV4.Jarai-Kual Dap Kơdư amăng bơyan phang hang pơđiă kơtang, ia čroh hnoh, krông, dơnao hrŏ hmar biă mă, lu anih ia ania, čroh hnoh tơl thu, mơnuih ƀôn sang hlăk bưp tơlơi tơnap tap không phang kơƀah ia bruih kơtang. Ƀơi tơring čar Dak Nông, mơnuih ngă hmua hăng gong gai kơnuk kơna ăt dik dăk pok pơhai lu hơdră pơhlôm hlâo anŏ răm ƀăm không phang hang pơđiă ngă.

VOV4.Jarai – Rơnuč rơwang hrơi tơjuh rơgao, ƀơi ƀirô mă bruă Gong gai dêh čar ta, Khua dêh čar ta Phạm Minh Chính git gai mông jơnum Gong gai dêh čar tui tơđar blan 02/2024.

VOV4.Jarai - Lơ 1/3, Khul apăn bruă Ping gah tơring čar Gia Lai lăi pơthâo tơlơi pơsit ruah mơnuih apăn bruă, tui anun ơi Trần Minh Sơn-Ding kơna Ping gah tơring čar, Khua git gai Ping gah tơring glông, Khua khul pơ ala mơnuih ƀôn sang tơring glông Chư Pah đĭ ngă Khua git gai Ping gah khul, Khua Jơnum min djop djuai ania mơnuih mơnam Việt Nam tơring čar rơwang thun 2019 -2024.

VOV4.Jarai – Čơtlăm lơ 1/3, ƀơi să Sông Cầu, tơring glông Khánh Vĩnh, tơring čar Khánh Hòa, Khua git gai wai lăng pơ ala mơnuih ƀôn sang dêh čar ta Vương Đình Huệ nao pơhmư̆ mông ngă Lơphet pơphun pơkra jơlan nao rai tô nao rai hăng tơring čar Lâm Đồng hăng tơring čar Ninh Thuận.

VOV4.Jarai - Pơplông ngă tui ƀiă biă mă ñu 120 ring bruă, bruă jao, bruă gum hrŏm đah kơmơi, ƀing čơđai ƀun rin, sang anŏ tơnap tap lĕ sa amăng hơdôm boh tơhnal hơmâo ƀing đah kơmơi Dak Lak pơphun amăng mơguah lơ 1/3 amăng jơlan hơdră pơphun thun pơplông hăng tal pơplông yôm phăn pioh hơdor glăi 120 thun akŏ pơjing tơring čar.

VOV4.Jarai-Jơnum min mơnuih ƀôn sang tơring čar Gia Lai pơphun jơnum pơƀut bruă mă hăng bưp ƀô̆ mơta ƀing mơnuih ba gru hlâo amăng bruă ngă tui Hrơi abih bang mơnuih ƀôn sang gum hrŏm pơgang lŏn ia mơ̆ng thun 2019-2024. Jơnum anai brơi ƀuh, bruă akŏ pơdong anih pơhlôm kjăp, hơmâo ngă hăng hlăk ngă tui pơgang guai dêh čar sa bruă mă khom ngă na nao re se, kiăng pơgang tơlơi dưi ngă pô abih bang 80 km lingguai dêh čar ƀơi tơring čar.

VOV4.Jarai-Mơguah lơ 1/3, ƀơi Hà Nội, jơnum Khul khua mua pơphun jơnum bơkơtuai boh thâo phrâo “Blah dưi Điện Biên Phủ-Rơnoh yôm gru phun hăng anŏ kơdrưh rơnuk phrâo”.

VOV4.Jarai - Mơguah lơ 1/3, ƀơi Ƀirô kơnuk kơna, Kơ-iăng khua dêh čar Trần Lưu Quang git gai mông mă bruă lăng nao rai mơng ataih hăng 3 boh tơring čar hơmâo: Hải Phòng, Hải Dương, Quảng Ninh kơ tơlơi sit nik, hơdră pơtrut bơwih ƀong sĭ mơdrô, tuh pơ alin man pơdong, man pơkra anih anom, jơlan glông hăng blơi mut hăng sĭ mơdrô pơ tač rơngiao.