Pơ ala brơi khua mua Ping gah, Kơnuk kơna ñu mơ-it nao tơlơi pơpŭ thun phrâo hiam klă hloh tơl Ping gah, gong gai, mơnuih ƀôn sang djop djuai ania amăng tơring čar, Khua git gai Ping gah ăt lăi nao hơdôm tơlơi tơnap tap amăng tơring čar amăng thun rơgao, samơ̆ Khua git gai Ping gah ăt brơi, hăng kual lŏn pơprong hăng jing anih phun, Dak Lak kiăng lăng glăi đĭ hơnong pơkă prong ƀiă. Khua git gai Ping gah rơkâo tơring čar pơsir hĭ tơlơi gun kơ tơhnal pơkă, akŏ phun lĕ lŏn ngă hmua-đang glai, laih dong pơplih sit nik bruă sĭ mơdrô. Yua anai lĕ tơlơi rơkâo pơđĭ kyar bơwih ƀong huă rah, hăng kiăng ngă hơđong bruă kơđi čar-mơnuih mơnam hăng hơkrŭ pran đăo gơnang mơnuih ƀôn sang.

Khua git gai Ping gah rơkâo Dak Lak đing nao pơhlôm kjăp bruă wai pơgang rơnuk rơnua, pơhlôm hơđong kơđi čar-mơnuih mơnam tơdah hơmâo hơget tŭ mơn, lăng anai lĕ atur ƀu dưi pơplih amăng pơđĭ kyar hơđong kjăp; sit biă ñu tŏ tui pơjing gong gai ƀon lan ngă bruă, kjăp bruă, ngă bruă tơpă hăng glăm ba djop mơta, djơ̆ hăng pran jua mơng Jơnum tal XIV mơng Ping gah.