Tui lăi pơthâo, truh lơ 10/2, tơring čar Gia Lai hơmâo pơgiong bruă akŏ pơjing Khul git gai hăng Jơlan min plĕ hră ruah khua tơring čar; 135 boh să, phường akŏ pơjing djop Jơnum min plĕ hră ruah khua mua tui tơlơi pơkă.

Đơ đam tơring čar hơmâo 2.179 anih plĕ hră hăng hơdôm grup plĕ hră hơmâo pơhlôm brơi djơ̆ tơlơi pơkă; anăn mơnuih ƀôn sang ruah khua giăm 2,6 klăk čô mơnuih. Đĭ pơhiăp git gai mông jơnum, ơi Trịnh Văn Quyết rơkâo tŏ tui hruă kjăp, ba glăi tơlơi mut hrŏm amăng mơnuih ƀôn sang; kơtưn pơtô pơblang brơi tơlơi dưi, bruă kiăng ngă; ngă gêh gal brơi ƀing mơnuih tơbiă anăn dưi bưp mơnuih ƀôn sang, prap lui klă jơnum pơgôp hiăp tal tlâo, pơhlôm ruah ƀing mơnuih apăn bruă ba gru, lăp djơ̆ hloh.