Mơng Jơnum mă tơlơi pơgôp hiăp tal tlâo, tơring čar Lâm Đồng tŭ ư ruah mă, tơbiă anăn sit nik 21 čô mơnuih djop hơnong pơkă hơmâo lăi pơthâo ruah ngă Khua pơ ala mơnuih ƀôn sang tal XVI hăng 133 čô mơnuih djop hơnong pơkă ruah ngă khua mua Jơnum min pơ ala mơnuih ƀôn sang tơring čar Lâm Đồng rơwang thun 2026-2031, pơhlôm bruă dưm dăp tui djơ̆ tơlơi pơkă. Đơ đam tơring čar hơmâo akŏ pơjing 124 Jơnum min plĕ hră ruah khua gưl să; 6 Khul plĕ hră ruah Khua pơ ala mơnuih ƀôn sang hăng 38 khul plĕ hră ruah khua mua jơnum min pơ ala mơnuih ƀôn sang tơring čar.

Tui yă Phạm Thị Phúc, kơ-iăng Khua git gai Ping gah tơring čar, Khua Jơnum min djop djuai ania mơnuih mơnam Việt Nam tơring čar Lâm Đồng, bruă pơgiong mă tơlơi pơgôp hiăp tal tlâo lĕ atur kiăng tơring čar tŏ tui pok pơhai hơdôm tơlơi yak nao amăng bruă plĕ hră, anăp nao pơphun tal plĕ hră ngă pô, djơ̆ tơlơi phiăn, rơnuk rơnua hăng sit nik lĕ hrơi ngui mơng abih bang.