Kơčăo bruă man pơdong ƀơi đơ đam lŏn giăm 6 ha, hơmâo 18 anih hrăm hăng 320 čô čơđai, hơmâo djŏp anih hrăm, anih pơđok hră, sang jơnum bơrơguăt drơi jăn hăng anih đih pit phrâo kơ 320 čô čơđai; prăk man pơdong 150 klai yua hơdôm anom mơdrô mơ̆ng Ding jum ling tơhan djru ba. Lơ̆m hơmâo man giong, sang hră anai ngă pơplih klă tui bruă pơtô hrăm kơ giăm 700 čô čơđai sang hră pơ guai dêh čar, plơi pla neh met wa djuai ania ƀiă.

Pơhiăp ƀơi mông ngă lơphet, Khua git gai Ping gah pơsit bruă pơtô pơjuăt jing bruă akŏ phun; kiăng Ding jum ling tơhan pơhlom ngă tañ djơ̆ hrơi či mă yua, klă hiam, rơnuk rơnua; laih dong kiăng tơring čar Dak Lăk, Anom bruă pơtô hrăm hăng gong gai prăp lui klă mơnuih mă bruă, jơlan ngă bruă, wai lăng, mă yua klă tŭ yua sang hră tơdơi kơ man giong. Ƀrô hrơi tê̆t Bính Ngọ 2026, Khua git gai Ping gah ơi Tô Lâm nao čuă, bơni hơ-ơč kơ ƀing khua, ling tơhan pơgang guai Ea H’Leo - anom bruă glăk dŏ wai lăng jơlan guai tơring čar Dak Lăk.