VOV4.Jarai-Amăng Blan hlăk ai thun anai, djop gưl anom bruă tơdăm dra mut phung tơring čar Dak Lak pok pơhai lu bruă mă dik dăk mơak mơai, mơ̆ng anun pơhưč lu tơdăm dra mut phung ngă hrŏm, pơgôp pran jua amăng lu ring bruă, črăn bruă rơđah rơđong.

VOV4.Jarai - Lơ 25/3, Khul khua pơ ala mơnuih ƀôn sang tơring čar Gia Lai pơphun jơlan hơdră pơtrut, bơkơtuai kơplah wah Khul khua pơ ala mơnuih ƀôn sang tơring čar hăng čơđai muai thun 2025 hăng anăn ñu “Pơjing anih anom pơhlôm klă kơ čơđai muai Gia Lai nao sang hră”.

VOV4.Jarai - Čơtlăm lơ 25/3, Grŭp črâo ba kơ pơgang pơgăn hưp ƀong kông ngăn, ngă khưi khai, soh tơlơi phiăn dêh čar ta (Grŭp črâo ba) jơnum pơsit bôh tơhnal ngă tui hơdôm Klah čun mơ̆ng Khua git gai Ping gah dêh čar ta ơi Tô Lâm mơ̆ng tơdơi kơ Mông jơnum 27 mơ̆ng Grŭp črâo ba truh ră anai (rơnuč blan 12 thun hlâo).

VOV4.Jarai- Ƀơi Dak Lak tơdơi kơ 20 hrơi pok pơhai, anom bruă kông an tơring čar hơmâo tŭ mă hăng pơsir rơbêh 1.500 pok hră ngă brơi phrâo hăng pơblih hră pơgăt rơdêh kơ mơnuih ƀôn sang.

VOV4.Jarai-Lơ 24/3, ƀơi Hà Nội, Khua dêh čar ơi Phạm Minh Chính git gai jơnum “Pơgang rơnuk rơnua, hơđong hăng pơđĭ kyar bơwih ƀong huă mơnuih mơnam ƀơi kual Tây Bắc hăng kual ieo gah”.

VOV4.Jarai-Mơguah lơ 24/3, ƀơi Ƀirô mă bruă, Khua git gai pơ ala mơnuih ƀôn sang dêh čar ơi Trần Thanh Mẫn git gai jơnum mơng Khul apăn bruă Ping gah Khua pơ ala mơnuih ƀôn sang dêh čar pơgôp hiăp kơ akŏ bruă pel ĕp, pơplih pơkra, pơhrua phiah phiăn, tơlơi phiăn mơng Kơnuk kơna djru brơi bruă dưm dăp anih anom mă bruă kơđi čar hăng črăn hră lăi pơthâo kơ bruă pơgiong hơdră bruă djru dưm dăp anih anom mă bruă kơđi čar.

VOV4.Jarai-Khua dêh čar ơi Phạm Minh Chính phrâo hơmâo mông bưp, bơ ră ruai tom ƀing hlăk ai Việt Nam hăng akŏ tơlơi bơ ră ruai “Hlăk ai Việt Nam kơsung nao hlâo pơđĭ kyar boh thâo ia rơgơi, pơčeh phrâo hăng pơblih yua mrô dêh čar”.

VOV4.Jarai - Tŭ ư tơlơi jak iâu mơ̆ng Khua dêh čar Việt Nam ơi Phạm Minh Chính hăng Bơnai ñu, Khua dêh čar Singapore Lawrence Wong hrŏm hăng Bơnai ñu sit nik rai čuă dêh čar Việt Nam mơ̆ng lơ 24-26/3.

VOV4.Jarai - Tŏ tui gru ngă hơkrŭ, hlăk ai Gia Lai glăk hur har pran jua, kơsung nao hlâo, pơčeh phrâo djru akŏ pơdong hăng pơđĭ kyar plơi pla. Lu hlăk ai ƀơi Gia Lai jing mơnuih mă bruă rơgơi hmư̆ hing ngă gru rơđah bơngač amăng bruă mă.

VOV4.Jarai - Tlam lơ 24/3, ƀơi sang bruă mir sir, Khua mir sir ơi Lương Cường tŭ jum ơi Kamran Bayram Aliyev, Khua anom bruă tơgŭ kơđi dêh čar Azerbaijan, glăk rai čuă hăng mă bruă ƀơi Việt Nam.