Amăng jơlan hơdră lơ̆m hyu mă bruă ƀơi ƀôn prong Hồ Chí Minh ƀrô bơyan čơkă thun phrâo djuai ania ta-Bơyan bơnga thun Bính Ngọ 2026, amăng hrơi mông hơ̆k mơak Ping gah-mơak bơyan bơnga tlam lơ 11/2,

Khua dêh čar ơi Phạm Minh Chính hơmâo nao čuă laih anun pơpŭ thun phrâo Khua mua ping gah, kơnuk kơna hăng nao čuh ñang h’ŭ kơ khua mua ping gah, kơnuk kơna hơđăp rơngiă laih ƀơi ƀôn prong Hồ Chí Minh.

Khua dêh čar ơi Phạm Minh Chính hăng grup hyu mă bruă hơmâo nao čuă, pơpŭ thun phrâo khua mir sir hơđăp ơi Nguyễn Minh Triết; Khua mir sir hơđăp ơi Trương Tấn sang; khua hơđăp dêh čar ơi Nguyễn Tấn Dũng. Ƀơi hơdôm anih nao čuă, ƀrô čơkă thun phrâo Bính Ngọ 2026, Khua dêh čar ơi Phạm Minh Chính bơni hơ-ơč pơpŭ thun phrâo kơ ƀing khua mua ping gah, kơnuk kơna hrŏm hăng abih bang sang anŏ ană tơčô mô yâo hiam drơi jăn, mơak mơai hăng tŭ yua hloh amăng bruă mă; čang rơmang ƀing khua mua hơđăp ping gah kơnuk kơna ăt găng añrăng na nao, djru đing nao hăng pơgôp tui hăng pran jua kiăng, tơlơi pơmin ƀuh yom pơphăn pơtrut bruă pơđĭ kyar lŏn ia, yua kiăng mơnuih ƀôn sang ta trơi pơđao, yâo mơak hloh. Nao čuă hăng pơpŭ têt thun phrâo kơ sang anŏ khua mua hơđăp rơngiă laih, kah hăng rơgom ơi Nguyễn Văn Linh Khua git gai ping gah hơđăp, Khua khul ding jum dêh čar hơđăp rơgom ơi  Phạm Hùng, Khua dêh čar hơđăp, rơgom ơi Võ Văn Kiệt, Khua dêh čar hơđăp, rơgom ơi Phan Văn Khải, kiăng pơpŭ thun phrâo sang anŏ hiam drơi jăn, rơnuk rơnua, hyuk hyak mơak klă, čơkă thun phrâo Bính Ngọ 2026 jơngum pơđao pran, hơ̆k kơdơ̆k, thun phrâo hing ang.