Yă Phúc Bình Niê Kdăm, thun tơkeng lơ 8/9/1983, djuai ania Êđê, plơi pla phun Ea Pôč, tơring glông Čư̆ Mgar, tơring čar Dak Lak, ră anai, să Quảng Phú, tơring čar Dak Lak; tơlơi hrăm truh gưl prong tơlơi phiăn, gưl prong gah bơwih ƀong huă, cử nhân luật, cử nhân kinh tế, tơlơi thâo bruă kơđi čar gưl dlông hloh.

Hlâo kơ đĭ ngă Kơ-iăng khua khul pơ ala mơnuih ƀôn sang tơring čar Dak Lak lĕ, ñu jing ding kơna ping gah tơring čar, Kơ-iăng khua pơtô bruă ping gah hăng pơtô mơnuih ƀôn sang tơring čar Dak Lak. Boh tơhnal plĕ hră ƀơi mông jơnum pơčrong sai tong ten lok rơma dưi hơmâo ƀing pơ ala mơnuih ƀôn sang tơring čar Dak Lak pơsit hĭ djơ̆ tơlơi phiăn. Khua pơ ala mơnuih ƀôn sang tơring čar jao kơ khua mua git gai amăng Jơnum min pơ ala mơnuih ƀôn sang tơring čar ngă pơgiong hĭ djop hră pơar pioh mơ-it kơ Jơnum min apăn bruă phun pơ ala mơnuih ƀôn sang dêh čar sem glăi hăng pơsit tui hăng tơlơi phiăn pơkă.