Pơhiăp đĭ ƀơi mông jơnum, Kơ-iăng khua pơ ala mơnuih ƀôn sang dêh čar, yă Nguyễn Thị Thanh lăi pơtong, kơnong dŏ rơbêh 1 blan đôč, mơnuih ruah khua amăng dêh čar amra nao plĕ hră, jing hrơi mơak prong kơ abih bang mơnuih ƀôn sang dêh čar: Hrơi plĕ hră ruah khua pơ ala mơnuih ƀôn sang dêh čar ta l XVI, ruah khua pơ ala mơnuih ƀôn sang djop gưl, rơwang bruă thun 2026-2031.

Anai lĕ bruă ngă prong kơđi čar mơ̆ng lŏn ia, anih mơnuih ƀôn sang ngă tui tơlơi dưi, bruă glăm ba yom pơphăn mơ̆ng pô, pioh ruah đĭ mơnuih ta ƀuh lăp pran jua či pơ ala kơ ană plơi pla, gum hrŏm pơsỉ bruă prong amăng dêh čar hăng tơring čar. Ƀơi mông jơnum, ƀing tơbiă anăn hơmâo hmư̆ lăi pơthâo klah čun kơ bruă či ngă jing pô pơ ala mơnuih ƀôn sang dêh čar, hơdră ruah khua pơ ala mơnuih ƀôn sang dêh čar; tơlơi thâo akŏ pơjing bruă mă, tơlơi găn rơgao pioh ruah mă boh yom phun jơlan hơdră či ngă mơ̆ng pô tơbiă anăn pioh ruah ngă pô pơ ala mơnuih ƀôn sang dêh čar; hơmâo tơlơi gum hrŏm mơ̆ng ƀing đah kơmơi hrơi hăng mơnuih djuai ƀiă ƀơi sang bruă khua pơ ala mơnuih ƀôn sang dêh čar; ngă tui bruă pơtom hiăp hăng ƀing čih tơlơi pơhing amăng bruă hyu jak iâu plĕ hră ruah khua.