VOV4.Jarai - Tlam lơ 19/3, ƀơi Sang bruă pơ ala mơnuih ƀôn sang dêh čar, Khua git gai pơ ala mơnuih ƀôn sang dêh čar ơi Trần Thanh Mẫn nao pơhmư̆ mông Jơnum hơmâo anăn “Khua mua pơ ala mơnuih ƀôn sang mă yua boh thâo mrô hăng mă yua ia rơgơi ană mơnuih pơčeh mă amăng bruă pơplih phrâo mă bruă boh thâo mrô mơ̆ng Ƀirô khua pơ ala mơnuih ƀôn sang dêh čar” yua Anom bruă pơ ala mơnuih ƀôn sang pơphun.

VOV4.Jarai - Tlam lơ 19/3, ƀơi plơi prong Đà Lạt, Jơnum min djŏp djuai ania mơnuih mơnam Việt Nam tơring čar Lâm Đồng pơphun Jơnum bưp ƀing khua pơ ala kơ khul grup mơnuih ƀôn sang amăng mơnuih djuai ƀiă ƀơi tơring čar.

VOV4.Jarai-Mơguah lơ 19/3, Khua dêh čar ơi Phạm Minh Chính git gai jơnum Kơnuk kơna kơ bruă čih pơkra tơlơi phiăn blan 3/2025 kiăng pơčrông sai hăng pơgôp hiăp hăng 6 črăn tơlơi phiăn, tơlơi rơkâo čih pơkra tơlơi phiăn.

VOV4.Jarai - Ƀơi plơi prong jưh jom London, Kơ-iăng Khua dêh čar ta ơi Nguyễn Hoà Bình phrâo bơkơtuai hăng Khua git gai pơ ala mơnuih ƀôn sang gơnong yŭ dêh čar Anglê Lindsay Hoyle.

VOV4.Jarai-Tlam lơ 18/3, ƀơi Hà Nội, Khua dêh čar ơi Phạm Minh Chính git gai jơnum lăng nao rai mơng ataih hăng ƀing khua mua hơdôm ding jum, gơnong bruă, gong gai ƀon lan kơ bruă pơtrut tañ man pơkra jơlan rơdêh đuăi hmar Châu Đốc-Cần Thơ-Sóc Trăng.

VOV4.Jarai - Thun 2025, pok pơhai Tơlơi pơtrun mơ̆ng Gong gai dêh čar, tơring čar Dak Nông pơplih glăi rơnoh đĭ kyar jing 8,11%, lu giăm dua wơ̆t pơhmu hăng rơnoh 4,8% amăng thun 2024. Hơdôm kơčăo bruă nua hơdôm klai dolar tuh pơ alin pơkra bôxit ñôm jing phun tơhnal kiăng tơring čar kơnang kơ tơlơi anai dưi ngă, tap năng amra đĭ dua mrô amăng hơdôm thun pơ anăp.

VOV4.Jarai - Ơi Nguyễn Trọng Nghĩa Khua Grŭp pơtô bruă Ping gah hăng Pơtô ba mơnuih ƀôn sang dêh čar ta rơkâo rơnuk hlăk ai khom jing khul ba jơlan hlâo amăng kơsem min, mă yua, pơđĭ kyar bôh thâo phrâo, hơdră mă yua măi mok.

VOV4.Jarai - Čơtlăm lơ 18/3, Khua git gai Ping gah dêh čar ta ơi Tô Lâm hmâo tŭ jum laih grŭp bơwih ƀong sĭ mơdrô Khul bơwih ƀong sĭ mơdrô dêh čar Mi – ASEAN.

VOV4.Jarai-Amăng hơdră nao mă bruă ƀơi Tuyên Quang, mơguah tom brơi, lơ 18/3, ơi Trần Thanh Mẫn, Khua git gai pơ ala mơnuih ƀôn sang dêh čar ba jơlan hlâo grup khua mua mơ̆ng gơnong nao čuh ñang h’ŭ kơ Khua mir sir Hồ Chí Minh ƀơi sang gru djă pioh Lán Nà Nưa, amăng kual ngă hơkrŭ đưm Tân Trào.

VOV4.Jarai - Thun 2025 tơring čar Kon Tum dưi hmâo Gong gai dêh čar jao ƀơi rơnoh đĭ kyar GRDP 10%, lu hloh Kual Dap Kơdư. Pơsit pran jua ngă giong tơhnal ba tơbiă, hơdôm gưl, hơdôm gơnong bruă mơ̆ng tơring čar glăk pok pơhai khut khăt lu jơlan pơsir, amăng anun hmâo bruă pơjing dong pran ngă pơhưč kơ Kual tuai čuă lăng glai klô Măng Đen pioh djru hrŏm pơđĭ kyar 2 mrô.