Kơ-iăng Khua dêh čar lăng yôm tơlơi gir run mơng ƀon lan, djru nao rai ƀơi anăp anŏ răm rai yua “hơjan ia dăo ƀuh tŏ tui na nao”; kiăng tŏ tui bơwih brơi tơlơi hơdip mơnuih ƀôn sang, sit biă ñu sang anŏ tui hơdră djru, sang anŏ ƀun rin. Đĭ pơhiăp amăng mông mă bruă, kơ-iăng Khua dêh čar ơi Hồ Quốc Dũng lăng yôm hơdôm boh than mơ̆ ƀon lan dưi ngă; thâo djru nao rai ƀơi anăp kơ hơdôm anŏ răm rai yua “hơjan ia ling dăo ƀuh na nao” phrâo anai. Kơ-iăng Khua dêh čar čang rơmang gong gai ƀon lan hăng mơnuih ƀôn sang să Tuy Phước tŏ tui gru grua ngă hơkrŭ mơng plơi pla sông kơtang, đing nao bơwih brơi tơlơi hơdip mơda kơ mơnuih ƀôn sang, sit biă ñu hơdôm boh sang anŏ tui hơdră djru, sang anŏ ƀun rin.

Hăng bruă pơmut hrŏm tơring čar Gia Lai, jing tơring čar prong tal dua đơ đam dêh čar, să Tuy Phước amra hơmâo dong tơlơi gal pơđĭ kyar lơm hơdôm ară jơlan phun hơmâo man pơkra giong, ngă gêh gal tô nao rai hăng plơi prong Quy Nhơn. Ƀrô tal anai, gru hyu mă bruă nao čuă, ƀơk gơnam dua rơkơi bơnai Nguyễn Thanh Mạnh-Dương Thị Bích Liên hăng amĭ Việt Nam sông kơtang Trương Thị Liên.