Khua dêh čar ơi Phạm Minh Chính hăng ơi Hà Vĩ lăng glăi tơlơi pơplih phrâo đĭ kyar plah wah Việt Nam hăng Khač amăng thun 2025, bơlăi nao hơdră pok pơhai ngă bruă, ngă tŭ yua tơlơi pơmin hrŏm mơ̆ng Khua mua prong hloh dua Ping gah, dua kơnuk kơna, pơtrut tơlơi rô nao rai anai đĭ hloh dong pơ anăp anai.

Khua dêh čar kiăng ngă hrŏm sit nik, hlom bom, pơtrut sĭ mơdrô dua bơnah dưm kơnar, kjăp; gah dêh čar Khač ngă gêh găl, brơi gơnam mơ̆ng hmua, akan hơdang hăng bui mơnŭ mơ̆ng Việt Nam djơ̆ hăng tơlơi pơkă; djru ba gơnam mơ̆ng Việt Nam ba nao pơ čar Khač giong anun ba sĭ pơ dêh čar pơkŏn. Dua bơnah ăt lăi nao bruă ngă hrŏm blơi mut apui lơtrik, đĭ kyar bah amăng jang rơgơi, hăng bơwih ƀong gah guai dêh čar pơ hơdôm boh tơring ha mơguai./.