Khua Jơnum min mơnuih ƀôn sang tơring čar Dak Lăk nao čuă, pơpŭ Tê̆t kơ ƀing khua, ling tơhan hơdôm Puih kơđông pơgang guai
Thứ hai, 15:09, 09/02/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Ƀrô hrơi ƀong Tê̆t Nguyên đán Bính Ngọ 2026, lơ 8/2, Khua jơnum min mơnuih ƀôn sang tơring čar Dak Lăk ơi Tạ Anh Tuấn nao čuă, pơpŭ Tê̆t kơ ƀing khua, ling tơhan amăng Puih kơđông pơgang guai hăng kơdư ƀơi dua boh să Ia Lốp hăng Ia Rvê.
Khua jơnum min mơnuih ƀôn sang tơring čar Dak Lăk pơpŭ bơni kơ tơlơi gir run ngă bruă hăng djŏp bruă hơmâo ngă mơ̆ng tơhan pơgang guai amăng bruă bong kjăp, hơđong rơnuk rơnua guai dêh čar; bơni biă kơ tơlơi ngă hrŏm kjăp hăng ping gah, gong gai să, djru đĭ kyar bơwih ƀong huă - mơnuih mơnam. Laih dong, kiăng hơdôm anom bruă kjăp pran blah ngă, răng kơđiăng, ngă hrŏm pơhlom rơnuk rơnua, hơđong amăng plơi pla hơdôm hrơi tê̆t..
Hăng ping gah, gong gai să Ia Lốp hăng Ia Rvê, Khua Jơnum min mơnuih ƀôn sang tơring čar Dak Lăk kiăng thâo rơđah djŏp tơlơi pơhing, lăng ba tơlơi dŏ dong ƀong huă mơnuih ƀôn sang, djru akŏ pơdong guai dêh čar rơngai, hơđong, đĭ kyar.
Viết bình luận