Ƀơi anăp anih h’ŭ kơ bơngăt atâo Khua mir sir Hồ Chí Minh, pơ ala kơ ping gah amăng sang bruă khua pơ ala mơnuih ƀôn sang dêh čar hăng djop sang bruă pơ ala mơnuih ƀôn sang mơnuih ƀôn sang dêh čar, ơi Trần Thanh Mẫn, Khua git gai pơ ala mơnuih ƀôn sang dêh čar pơdah rai pran jua h’ŭ hơdor glăi laih anun hơdor tơngia prong prin kơ bruă ngă mơ̆ng Khua mir sir Hồ Chí Minh pioh kơ bruă hơkrŭ lŏn ia hăng djuai ania.

Ơi Trần Thanh Mẫn ƀuăn, thun 2026 anai amra hrŏm hăng abih bang amăng ping gah, khua mua pơ ala mơnuih ƀôn sang dêh čar pok pơhai tŭ yua jơlan hơdră, hră pơtrun mơ̆ng Jơnum prong khua ping gah dêh čar tal 14 laih anun rơwang bruă phrâo mơ̆ng khua pơ ala mơnuih ƀôn sang dêh čar amăng bruă čih pơkra tơlơi phiăn, krăp lăng ngă tui tơlơi phiăn mơ̆ng dlông hloh hăng pơsit lu mơta bruă mă pơprong kơ dêh čar. Biă mă ñu, prăp lui bruă ruah khua pơ ala mơnuih ƀôn sang dêh čar tal 16, khua pơ ala mơnuih ƀôn sang djop gưl rơwang bruă thun 2026-2031 tui hăng bruă kiăng hrŏm abih bang, gum hrŏm kơnuk kơna pơsir hĭ tơlơi tơnap tap, gun gan mơ̆ng lŏn ia amăng rơnuk anai.