Ƀơi mông tŭ jum, Khua dêh čar lăi rơđah: Việt Nam glăk amăng hrơi mông kơtưn, pơplih prong či đĭ kyar hăng kiăng hơmâo rơnoh đĭ kyar 2 mrô amăng rơwang thun 2026-2030, đah mơ̆ng dưi ngă 2 mơta tơlơi: Truh thun 2030 jing dêh čar glăk đĭ kyar, pơhrui prăk hơmâo lu; laih anun amăng thun 2045, jing dêh čar đĭ kyar, prăk pơhrui lu. Yua hnun yơh, bruă bơkơtưn pơhno, pơplih glăi tơlơi bơwih ƀong hăng mơneč mă djŏp tơlơi gêh găl mơ̆ng bruă mut hrŏm bơwih ƀong hăng jar kmar kiăng dưi hơmâo rơnoh đĭ kyar hơdong kjăp jing bruă yom biă mă.

Khua dêh čar kiăng Anom bruă sĭ mơdrô hăng pơkra gơnam măi mok dêh čar Japan, ăt kah hăng Jơnum min Bơwih ƀong huă Japan hăng Mê Kông ngă hrŏm hăng Ding jum Prăk kăk Việt Nam hăng hơdôm anom bruă bơdjơ̆ nao pơtruh brơi tuh pơ alin mơ̆ng anom mơdrô Japan, pơđĭ tui hloh anŏ klă tuh pơ alin, ngă tañ biă hră pơ-ar pơsit tuh pơ alin, biă ñu lĕ kiăng pơtrut kơtang jao glăi boh thâo ia rơgơi hăng djru anom mơdrô Việt Nam dưi pơhno dlăm hloh amăng ruăi pơjing rai nua gơnam mơ̆ng hơdôm anom mơdrô prong mơ̆ng Japan.