VOV4.Jarai-Lơ 19/6, ƀơi Hà Nội, Khua git gai ping gah ơi Tô Lâm git gai jơnum anom ping gah ling tơhan dêh čar lok 14 rơwang bruă thun 2020-2025 kơ hơdôm boh yom phun kah hăng hră lăi pơthâo pơƀut bruă mă gah ling tơhan, pơgang lŏn ia 6 blan akŏ thun 2025, lăi pơthâo khul tơhan pơtrui, rơbat rŭi hiam amăng Mông jơnum prong hơdor glăi 80 thun hrơi Hơkrŭ blan čơpăn tŭ yua hăng Hrơi akŏ pơdong kơnuk kơna dêh čar CHXHCN Việt Nam lơ 2/9/1945-lơ 2/9/2025; laih anun git gai bruă či ngă gah ling tơhan, pơgang hăng akŏ pơdong ping gah ling tơhan 6 blan rơnuč thun 2025.

VOV4.Jarai-Tơring čar Dak Lak hăng Phú Yên phrâo ngă hră rơkâo Khua dêh čar tŭ ư kơ bruă tuh pơ alin čuk pơkra jơlan rơdêh đuăi hmar Phú Yên-Dak Lak mơ̆ng thun 2026, pơhrua kơ tơlơi rơkâo hlâo kơ anun tơdơi kơ thun 2030, kiăng mă yua 100% ngăn drăp hơmâo.

VOV4.Jarai-Khul khua mua apăn bruă ping gah tơring čar Lâm Đồng, Bình Thuận hăng Dak Nông phrâo jơnum hăng tŭ ư tui hơdră brơi lông ngă bruă hlâo kơ 6 boh să, phường ƀơi tơring čar anai tơdơi kơ pơmut laih dơ̆ng mơ̆ng lơ 23/6.

VOV4.Jarai-Ăt amăng mông jơnum lok 9, ƀing pơ ala mơnuih ƀôn sang dêh čar tal 15, hrơi anai lơ 19/6, ƀing pơ ala mơnuih ƀôn sang dêh čar pơphun mông tơña hăng lăi glăi amăng 1 hrơi ha mơkrah kơ 2 khul bruă.

VOV4.Jarai - Tlam lơ 18/6, ƀơi sang bruă Kơnuk kơna, Khua dêh čar ơi Phạm Minh Chính git gai Jơnum đơ đam dêh čar prăp rơmet kơ Tal pơplông abih anih 12 thun 2025.

VOV4.Jarai - Lơ 18/6, Ping gah tơring čar Gia Lai pơphun Jơnum sem lăng, pơsit pơđut hĭ bruă mă mơ̆ng hơdôm ping gah tơring glông hăng akŏ pơdong hơdôm ping gah să phrâo tui hơdră dăp glăi anom bruă kơnuk kơna.

VOV4.Jarai-Tơring čar Gia Lai hlăk pok pơhai tal hyu ĕp lăng, ngă kơđi khut khăt ƀing ngă soh glăi sĭ mơdrô pleč ƀlor, pơkra gơnam sĭ mơdrô ngă mă ča hăng soh glăi tơlơi dưi ngă pô boh thâo ia rơgơi. Tal hyu ĕp lăng anai djru hrŏm ngă hơđong bruă pơgang tơlơi dưi kơ mơnuih ƀôn sang blơi yua hăng pơđĭ tui boh tu yua wai lăng bruă kơnuk kơna.

VOV4.Jarai-Lâm Đồng hơmâo bơtơhmal 39 grup hăng giăm 1.300 čô mơnuih Ping gah ngă soh.

VOV4.Jarai-Mơguah lơ 18/6, ƀơi ƀôn prong Hồ Chí Minh, Khua git gai Ping gah dêh čar ơi Tô Lâm git gai mông mă bruă hăng Khul apăn bruă Ping gah ƀôn prong Hồ Chí Minh, Ping gah tơring čar Bà Rịa Vũng Tàu hăng Bình Dương kơ boh than ngă tui sa, dua bruă jao pơđĭ kyar bơwih ƀong huă mơnuih mơnam, bruă pơjing Ping gah 6 blan rơgao hăng bruă ngă tui hơdôm tơlơi pơtrun, tơlơi klah čun mơng gơnong glông ƀơi 3 boh tơring čar, ƀôn prong.

VOV4.Jarai - Ƀrô djơ̆ tal hơdor glăi 100 thun Hrơi hră pơhing hơkrŭ Việt Nam (21/6), Ping gah Ƀirô pơtrun bruă Quân khu 7 pơphun bưp ƀô̆ mơta Jơnum min pơtô bruă Ping gah hăng pơtô ba mơnuih ƀôn sang, gơnong bruă bôh thâo hăng bơkơjăp drơi jăn hơdôm bôh tơring čar, ƀôn prong, hơdôm bôh ƀirô pôr pơhing, hră pơhing hăng jao hră apah bơni kơ hơdôm khul grŭp, mơnuih.