VOV4.Jarai - Bơyan bơnga Giáp Thìn truh laih hăng ia iŏm mơtah hiam mơ̆ng phun kyâo boh troh, bơnga hiam ƀhêm bluh đĭ bang amăng glai klô. Lŏn tơnah, ană mơnuih mut hrŏm ngă pơhưč pơhač pran jua hăng hơdôm tơlơi pơplih ƀơi plơi pla. Thun ania čơgrai ba glăi tơlơi kơtưn, tơlơi čang rơmang truh kih phrâo, găn rơgao tơnap tap, lông lăng, akŏ pơjing lŏn ia plơi pla pơdrong sah.

VOV4. Jarai- Djop pưk sang, abih bang mơnuih hơmâo ƀong têt mơak soh, djop gưl khul grup mut phung hăng gong gai kơnuk kơna djop tơring čar kual Dap Kơdư hơmâo pioh lu mông đing nao kơ mơnuih ƀôn sang ƀong têt, biă mă ñu hơdôm sang anŏ kơnuk kơna djru, mơnuih hơmâo ngă bruă hơkrŭ đưm, ƀing tha rơma, sang anŏ ƀun rin, giăm ƀun rin, mơnuih mă bruă apah dŏ tơnap tap, ƀing ƀu hơmâo anih ưh kơnang amăng mơnuih mơnam…sang anŏ mơnuih djuai ƀiă, plơi pla giăm guai dêh čar dưi tŭ mă tơlơi djru ƀong têt Giáp Thìn thun 2024 trơi pơđao, yâo mơak hloh.

VOV4.Jarai – Hăng hơdôm tơlơi gir run mơ̆ng hơdôm gưl, hơdôm gơnong bruă, hơdôm rơwang bruă tuh pơplai bruă hrŏm ƀơi kual Dap Kơdư hmâo laih tơlơi pơplih kơtang tit yap mơ̆ng rơnuč thun 2023, biă ñu jơlan nao rai. Wot hơdôm rơwang bruă bưp lu tơlơi tơnap hloh, ăt hmâo tơlơi pơplih mơn gah rơnoh, pioh hơdôm bôh tơring čar mơ̆ng plơi prong truh plơi pla, hmâo dong hơdôm glông jơlan phrâo, hơdôm bôh tơdrông tua phrâo, tô nao rai hơdôm ară jơlan phun bơwih ƀong, rŭ tơgŭ tơhnal gal pơđĭ kyar amăng thun 2024 hăng hơdôm thun tô̆ tui.

VOV4.Jarai-Tê̆t tui phiăn juăt Giáp Thìn jê̆ giăm laih. Hrơi anai lơ 29 tê̆t, rĭm čô mơnuih, djop sang anŏ glăk prap lui čơkă thun phrâo tum jơngum, yâo mơ-ak. Hơmâo lu mơnuih lơm hơdor glăi hrơi ƀong tê̆t, amra hơdor hloh kơ hrơi mông prap lui dik dak mơ-ak, hăng pran jua hur har mơ̆ ngă lu mơnuih hok kơdok amăng hơdôm hrơi giăm tê̆t. Ƀing tha rơma prap čơkă ƀing ană tơčô, ƀing ană bă ataih mơng plơi pla prap pot glăi; ƀing čơđai muai dŏ tơguăn ƀong ƀañ tek, buh sum ao phrâo; djop sang anŏ rơmet pơgaih sang, rôk jơlan, dưm dăp kyâo pơtâo, bơnga hiam, djop mơta brơi agaih rơnăk hloh amăng hrơi ngui tê̆t. Hăng pran jua hur har anun pơdah amăng lơ 29 tê̆t yôm phara mơng rĭm čô mơnuih.

VOV4.Jarai-Ƀrô čơkă têt thun phrâo Giáp Thìn 2024, Khua git gai pơ ala mơnuih ƀôn sang dêh čar Vương Đình Huệ hăng grup khua mua pơ ala Jơnum min apăn bruă phun pơ ala mơnuih ƀôn sang dêh čar, djop sang bruă gah anom bruă pơ ala nao čuh ñang h’ŭ kơ Khua mir sir Hồ Chí Minh ƀơi sang mrô 67, Anih anom gru grua Khua mir sir Hồ Chí Minh amăng Anom khua mir sir.

VOV4.Jarai-Ƀơi sang bruă Khua ding jum pơtom hiăp, Kơ-iăng khua ding jum, Lê Thị Thu Hằng hơmâo tŭ jum Khua đăo Khop, Marek Zalewski, pơ ala kơ Vatican blung a ƀơi Việt Nam.

VOV4.Jarai – Ƀrô djơ̆ tal Tết Giáp Thìn 2024, mơguah lơ 6/2, Kơ-iăng Khua git gai wai lăng pơ ala mơnuih ƀôn sang dêh čar ta Nguyễn Đức Hải hrŏm hăng Grŭp hyu mă bruă nao tuĭ ñang ƀơi Kual hơdor pioh rơgom ơi Võ Chí Công Khua khul pơ ala mơnuih ƀôn sang Kơnuk kơna ta; čuă jơmư tơña bla, hơ-ưč hmưi Tết hăng ƀơk gơnam tam sa dua bôh sang anô̆ gah hơdră bruă ƀơi tơring čar Quảng Nam.

VOV4.Jarai - Lu mơnuih mă bruă hơmâo kỹ sư, kông ñơn glăk mă bruă ƀơi hơdôm anih man pơkra jơlan rơdêh đuăi hmar Khánh Hoà-Buôn Ma Thuột, ƀing gơñu amra mă bruă amăng hơdôm hrơi ƀong tê̆t mơtăm kiăng pơhlôm man pơkra djơ̆ hrơi mông pơkă.

VOV4.Jarai – Khul hlăk ai tơring čar Dak Lak gum hrŏm hăng anom bruă djru gum ƀơk hơdôm rơtuh anung gơnam kơ mơnuih ƀun rin ƀơi plơi prong Buôn Ma Thuột.

VOV4.Jarai – Čơtlăm lơ 5/2, Khua dêh čar ta Phạm Minh Chính hmâo nao čuă Anom bruă tơhan polih wai lăng rô nao rai, Ding jum kông ang hăng hơ-ưč hmưi Tết, pơsur mơnuih apăn bruă tơhan, tơhan wai lăng bruă rô nao rai ƀơi jơlan glông đơ đam dêh čar.