Tŭ ư hăng tơlơi jak iâu mơng Khua git gai Ping gah Cộng sản Việt Nam ơi Tô Lâm hăng bơnai ñu, hrơi anai (26/1), Khua git gai Ping gah Mơnuih ƀôn sang ngă hơkrŭ dêh čar Lao, Khua mir sir dêh čar Lao ơi Thongloun Sisoulith hăng bơnai ñu pơphun nao čuă gưl Kơnuk kơna pơ dêh čar Việt Nam, mơng anai truh lơ 27/1. Bruă Khua git gai Ping gah, Khua mir sir dêh čar Lao ruah Việt Nam lĕ anih nao čuă blung a tơdơi kơ Jơnum ruah khua mua đơ đam dêh čar tal XII mơng Ping gah mơnuih ƀôn sang ngă hơkrŭ dêh čar Lao pơdah tong ten dêh čar Lao lêng kơ lăng yôm hăng đing nao biă mă tơlơi rô nao rai hăng Việt Nam amăng hơdră pơtom hiăp.

Tal nao čuă anai kiăng nao pơpŭ hơ-ơč tơlơi truh kih mơng Jơnum ruah khua mua đơ đam dêh čar tal XIV mơng Ping gah Cộng sản Việt Nam, laih dong pơsit tong tơlơi đăo gơnang kơđi čar dơlăm hăng tơlơi ƀuăn mut hrŏm sui thun kơplah wah dua Ping gah, dua kơnuk kơna hăng mơnuih ƀôn sang dua bơnah pơ anăp.