VOV4.Jarai-Hluh tong ten kơ bruă pơplih yua boh thâo phrâo lĕ tơlơi yak nao phrâo, lu anom bơwih ƀong hrŏm gah ngă hmua ƀơi Dak Lak hơmâo ngă hăng glăk gơgrong pơhrăm, sit biă ñu lĕ mă yua hơdôm plang pơhing kiăng lăi pơthâo hăng sĭ mơdrô gơnam tam. Lu mơnuih ngă hmua ba gơnam tam mơng đang hmua tơl tơngan mơnuih blơi yua tañ hloh. Anai ăt lĕ tơlơi yak nao pơplih mơng hơdôm anom bơwih ƀong hrŏm gah ngă hmua mơng tơlơi pơmĭn ngă hmua đôč hơdai nao ba hyu sĭ mơdrô gơnam đang hmua.

VOV4.Jarai - Lơ 11/4, Jơnum ping gah lok 11 bơkơtuai kơ hơdôm mơta bruă dăp glăi anom bruă čar, anom bruă kơnuk kơna, gong gai tơring čar hăng să.

VOV4.Jarai - Mơguah lơ 11/4, ƀơi plơi prong Đà Lạt (Lâm Đồng), Anom bruă pơsur ngă hmua dêh čar (Ding jum bruă hmua hăng ayuh hyiăng) hăng Gŏp pơđĭ kyar hơđong kjăp ngă hmua Việt Nam hơmâo pơphun jơnum pơđĭ tui tơlơi rơgơi kiăo tui hơnong pơkă, anŏ klă kiăng pơtrut ba sĭ añăm pơtăm boh troh mơ̆ng Việt Nam pơ čar rơngiao.

VOV4.Jarai-Lơ 11/4, Jơnum anom bơwih ƀong hrŏm thun 2025 hăng anăn “Pơplih bơwih ƀong mơtah kiăng pơđĭ kyar hơđong kjăp” pơphun ƀơi Hà Nội.

VOV4.Jarai-Ƀơi tơring čar Dak Nông, jơlan mrô 1 tơring čar glông ataih năng ai 30 km, pơtruh nao rai tơring glông Tuy Đức hăng Dak Rlâp, tơkuh hăng jơlan Hồ Chí Minh plĕ nao pơ jơlan 14C dêh čar hăng pơ amăng jang  guai ƀơi Bu Prăng, nao truh pơ dêh čar Kur. Thun blan laih rơgao, jơlan anai răm hĭ laih,bơbeč djơ̆ ƀu ƀiă ôh kơ tơlơi hơdip mơda bơwih ƀong huă mơ̆ng mơnuih ƀôn sang hăng juăt hơmâo tơlơi truh rơdêh pơtlă yua jơlan răm. Ră anai, gong gai kơnuk kơna tơring čar hăng plơi pla ngă hră pơgiong tañ đah mơ̆ng pơphun čuk pơkra jơlan nao rai jơlan mrô 1 tơring čar wai lăng rơnuč thun 2025 khom giong.

VOV4.Jarai - Khua Ding jum man pơdŏng phrâo hmâo tơlơi pơsit jao Grŭp wai lăng rơwang bruă 85 pơphun čih tơlơi lăi pơthâo glăi kơsem min Rơwang bruă tuh pơplai pơkra jơlan đuăi hmar Quảng Ngãi – Kon Tum hăng rơwang pơkra mơ̆ng thun 2025-2026. Anai lĕ tơlơi pơhing mơ-ak hăng mơnuih ƀôn sang dua bôh dêh čar Kon Tum hăng Quảng Ngãi, čang rơmang rơwang bruă tañ dưi tuh pơplai pơkra tañ kơ pơđĭ kyar bơwih ƀong – mơnuih mơnam.

VOV4.Jarai - Tui tơlơi lăi pơthâo mơ̆ng Ding jum pơtom hiăp dêh čar Việt Nam, Khua git gai Ping gah, Khua mir sir dêh čar Khač ơi Tập Cận Bình amra rai čuă gưl Kơnuk kơna ƀơi dêh čar Việt Nam mơ̆ng lơ 14 – 15/4/2025.

VOV4.Jarai - Grŭp hyu mă bruă mơ̆ng Jơnum min mơnuih ƀôn sang tơring čar Lâm Đồng hăng tơring čar Dak Nông phrâo nao hơduah ĕp lăng hăng hmâo mông mă bruă pioh tŭ ư hrŏm bruă tuh pơplai hơdôm ară jơlan tô nao rai 2 anih anom hăng jơlan đuăi hmar tô nao rai 3 bôh tơring čar Dak Nông - Lâm Đồng - Bình Thuận.

VOV4.Jarai - Tom brơi lơ 9/4, ƀơi sang bruă mir sir, Khua mir sir ơi Lương Cường tŭ jum Khua dêh čar Español Pedro Sánchez ƀrô hrơi rai čuă sit nik dêh čar Việt Nam.

VOV4.Jarai - Ƀơi sang bruă Kơnuk kơna, Khua dêh čar ơi Phạm Minh Chính git gai jơnum lok 3 hăng hơdôm ding jum anom bruă lăi pơthâo tơlơi glăk hơmâo hăng hơdră pơgang tơlơi mă jia mơ̆ng dêh čar Mi.