Mơguah lơ 21/1, ơi Đỗ Tiến Sỹ, Ding kơna Ping gah Gơnong dlông, Ding kơna Khul apăn bruă git gai ping gah Kơnuk kơna, Khua ping gah, Khua Anom bruă Gong phun pơtui jua pơhiăp Việt Nam nao sem lăng, pơtrut pơsur mơnuih čih tơlơi pơhing, ƀing dăp hră pơhing, boh apăn bruă măi mok glăk dŏ mă bruă pơ hơdôm anom bruă mơ̆ng VOV ƀơi Anom bruă tơlơi pơhing phrâo Jơnum ruah khua ping gah dêh čar tal 14.

Juh alum, pơsur ƀing hyu mă tơlơi pơhing, ƀing dăp hră pơhing, ƀing apăn bruă măi mok rah, ƀrô krăp lăng mông jơnum pơčrông sai kơ Hră yom mơ̆ng Jơnum ruah khua ping gah ƀơi sang jơnum mơguah lơ 21/1, Khua Gong phun jua pơhiăp Việt Nam ơi Đỗ Tiến Sỹ kiăng ekip jing grup ngă bruă mơ̆ng hơdôm anom bruă krăp lăng tong ten djŏp bruă hơmâo amăng mông Jơnum ping gah tal 14. Amăng anun, Anom bruă pôr pơhing VOV1 hyu mă tơlơi pơhing hơdeč hmar, hmao tlôn mơtăm hơdôm tơlơi hơmâo pơčrông či ba pơdah, pôr đĭ hơdôm tơlơi yom mơ̆ng hră pơ-ar truh pơ ƀing khua, mơnuih mă bruă, mơnuih ping gah hăng mơnuih ƀôn sang. Khua VOV kiăng ƀing hyu mă tơlơi pơhing khŏm krăo lăng tong ten, hơmâo thim tơlơi pơhing jum dar mông Jơnum đah mơ̆ng pơsit tơlơi đăo kơnang hăng hơdôm tơlơi yom phun mơ̆ng mông Jơnum, biă ñu tơlơi đĭ pơhiăp mơ̆ng Khua git gai Ping gah ơi Tô Lâm hăng hơdôm tơlơi ba pơčrông mơ̆ng ƀing khua./.