Pok blung jơnum pơčrông sai, ƀing khua mua hmư̆ Đại tướng Phan Văn Giang, Ding kơna ding jum kơđi čar, Khua ding jum ling tơhan, pơđok hră kơ bruă ba nao pơčrông sai hăng anăn “Pơjing ling tơhan mơnuih ƀôn sang ngă hơkrŭ, kjăp bruă, prong kơtang, pơplih phrâo, ngă atur brơ pơjing bruă wai pơgang rơnuk rơnua kjăp phik, pơplih phrâo, pơlir hăng bruă pơgang rơnuk rơnua amăng mơnuih ƀôn sang hăng pran mut hrŏm mơng mơnuih ƀôn sang hơđong kjăp”, hăng Đại tướng Lương Tam Quang, Ding kơna Ding jum kơđi čar, Khua ding jum kông ang, pơđok hră kơ bruă ba nao pơčrông sai hăng anăn “Bruă kông ang ngă tui 3 hơnong pơkă yôm phun mơng Ping gah: Rơnuk rơnua, hơđong-pơđĭ kyar klă hloh-yâo mơ-ak mơng mơnuih ƀôn sang”.

Tŏ tui dong, amăng mông pơčrông sai ƀơi sang jơnum, kơ-iăng Khua dêh čar Phạm Thị Thanh Trà, Ping gah Kơnuk kơna lăi pơtong pran jua Kơnuk kơna črâo ba, pơđĭ kyar, ngă bruă tơpă sit hăng ngă bruă khut khăt djru brơi mơnuih ƀôn sang. Lu tơlơi pơgôp hiăp lăi pơtong nao bruă tŏ tui pơtrut kơtang amăng pơjing, pơplih pơkra tơhnal pơkă, pok phư brơi djop ngăn rơnoh pơđĭ kyar; pơđĭ kyar anih anom akŏ phun ha amăng plĕ, pơplih phrâo, pok rai anih pơđĭ kyar phrâo; pơtrut kah gưl, jao tơlơi glăm ba pơlir hăng bruă kah pơpha ngăn rơnoh hăng kơtưn ple ĕp, krăo lăng hăng jơlan gah “ƀon lan pơsit, ƀon lan ngă, ƀon lan glăm ba” brơi sit nik hăng ba glăi boh tŭ yua hloh.