Mơ̆ng akŏ rơwang bruă tal 13 laih, Ding jum kơđi čar hơmâo ngă hră pơtrun kơ bruă mă pơkă hnơ̆ng mơnuih ngă khua, pơčrâo bruă pok pơhai ngă tui akŏ bruă dưm bruă, ruah khua, git gai wai lăng djop gưl, biă mă ñu anăn ƀing ngă khua mua pơprong, phun ƀơi djop tơring čar, ƀôn prong, djop sang bruă kơnuk kơna amăng  rơwang bruă 2025-2030, 2026-2031.

Bruă kiăng ngă djơ̆ tơhnal pơkă ƀơi anăp, dăp glăi hơbôt sang bruă kơnuk kơna, laih anun pơdah rai bruă mă lăng nao pơ anăp adih akŏ pơjing khul mơnuih mă bruă khua mua pơprong amăng ping gah. Kiăng prăp lui kơ mơnuih ngă khua, apăn bruă ping gah tal 14, Ding jum kơđi čar, khul apăn bruă ping gah dêh čar tal 13 hơmâo sem lăng tong ten, pơsit hĭ, tŭ ư lăi pơthâo mơnuih tơbiă anăn pioh ruah glăi dơ̆ng hăng ƀing tơbiă anăn tal blung a; kơnang kơ  hră lăi pơthâo hlâo hăng anăn lăi pơthâo ruah đĭ Khul apăn bruă pơ ping gah dêh čar jơnum tal 14 sem glăi tui tơlơi phiăn pơtrun.