Akŏ bruă jơlan rơdêh đuăi hmar Chí Thạnh-Vân Phong hơmâo abih tih prăk tuh pơ alin giăm 11.000 klai prăk, yua Khul wai lăng akŏ bruă mrô 7 ngă pô tuh pơ alin. Ară jơlan anai glông giăm 48 km, akŏ ară jơlan tơkuh hăng Jơlan rơdêh đuăi hmar Quy Nhơn-Chí Thạnh; rơnuč tơkuh nao jơlan mrô 1 (să Hòa Xuân), pơlir jơlan Kơdư jơlan amur Đèo Cả hăng jơlan rơdêh đuăi hmar Vân Phong-Nha Trang. Ară jơlan anai glăk man pơkra ječ ameč, rĭm hrơi hơdôm anom bruă man pơkra hơmâo ba nao hơdôm hơpluh rơdêh hrŏm hăng hơdôm rơtuh kông ñơn, kĩ sư nao man pơkra.

Ară jơlan anai him lăng pơgiong abih amăng lơ 10/2 pơ anăp (hlâo kơ tết tui phiăn juăt Bính Ngọ), pioh čơkă Jơnum tal XIV mơng Ping gah; laih dong pơgôp ngă pơgiong ară jơlan rơdêh đuăi hmar Kơdư-Dơnung, ngă gêh gal pơtrut tơkuh nao rai sĭ mơdrô hăng pơđĭ kyar bơwih ƀong huă-mơnuih mơnam tơring čar Dak Lak.