VOV4.Jarai - Mơmot tom brơi (07/4), ƀơi Ƀirô mă bruă Gong gai dêh čar, Khua dêh čar ta ơi Phạm Minh Chính git gai Jơnum Khua dêh čar hăng hơdôm Ding Jum, gơnong bruă, Ƀirô pơ ala kơ Việt Nam pơ̆ dêh čar tač rơngiao, hơdôm khul grŭp, anom bơwih ƀong pioh črông lô bruă gơgrong hlâo ngă juăt hăng tơlơi phrâo kơ sĭ mơdrô jar kơmar.

VOV4.Jarai - Ngă tui Bruă pơphun bơkơtưn “Gum tơngan hrŏm lŏm lui sang tơ̆i, sang răm amăng đơ đam dêh čar amăng thun 2025” tui hăng tơlơi črâo ba mơ̆ng Gong gai dêh čar, truh rơnuč blan 3 tơring čar Kon Tum hmâo pơdŏng phrâo, pơkra glăi sang răm hmâo 1.776 bôh sang amăng mrô 2.752 bôh sang. Hăng pơsit pran jua truh rơnuč blan 6 pơ̆ anăp anai abih bang sang ƀun rin, ƀun rin ƀơƀiă, sang anô̆ hmâo tơlơi hơdip mơda tơnap tap ƀu dô̆ hơdip amăng hơdôm sang tơ̆i, sang răm, hơdôm mơnuih ping gah ƀơi tơring čar Kon Tum glăk ba jơlan hlâo djru mơnuih ƀôn sang pơdŏng hơdôm bôh sang klă hiam, kơjăp hăng nua ñu lu hloh rơnoh prăk djru.

VOV4.Jarai-Huă pơsat ơi pơtao Hùng Vương lơ 10 blan 3 blan tơƀang ƀu kơnong hrơi mông pioh hơdor glăi kơ phun hlâo djuai ania đôč ôh, dŏ djă pioh tơlơi pơtô hrăm prong kơ djop gưl rơnuk ană tơčô, pơtrut pran jua pơ-ư ang djuai ania, pran jua khăp kơ lŏn ia hăng djă pioh rơnoh yom gru grua hiam mơ̆ng đưm djuai ania dêh čar.

VOV4.Jarai - Mơguah lơ 4/4, ƀơi Ƀirô anih jưh pơ ala kơ dêh čar Lao pơ̆ Hà Nội, Khua dêh čar ơi Phạm Minh Chính ba jơlan hlâo Grŭp khua pơ ala Gong gai dêh čar Việt Nam nao dưm guang bơnga, mơyut jôk ơi Khamtay Siphandone Khua git gai Ping gah mơnuih ƀôn sang Hơkrŭ hơđăp, Khua mir sir hơđăp, Khua dêh čar hơđăp dêh čar Lao.

VOV4.Jarai - Mơguah lơ 4/4, ƀơi sang anih jưh pơ ala dêh čar Lao či ƀôn prong Hồ Chí Minh, Kơ-iăng khua ping gah ƀôn prong Hồ Chí Minh Nguyễn Thanh Nghị ba jơlan ƀing khua nao mơyut jôk rơgŏm ơi Khamtay Siphandone.

VOV4.Jarai - Mơmot lơ 3/4, ƀơi Tơdron lăk Lâm Viên, plơi prong Đà Lạt pơphun ngă lơphet 50 thun hrơi pơklaih rơngai tơring čar Lâm Đồng (lơ 3/4/1975-3/4/2025).

VOV4.Jarai - Lơ 3/4/2025, Khua dêh čar ơi Phạm Minh Chính mơ-it hiăp kơ ơi Sonexay Siphandone, Khua dêh čar Lao, pơdah pran jua hơ-ŭ, rơngôt kơ Đại tướng Khamtay Siphandone djai.

VOV4.Jarai - Lơ 3/4/2025, hmư̆ hing Đại tướng Khamtay Siphandone, Khua git gai Ping gah, Khua mir sir hơđăp, Khua dêh čar hơđăp dêh čar Lao djai, Khua git gai Ping gah ơi Tô Lâm ba jơlan ƀing khua mơ̆ng Ping gah, Kơnuk kơna Việt Nam nao mơyut jôk rơgŏm ơi Khamtay Siphandone.

VOV4.Jarai-Tlam lơ 3/4, kơ-iăng Khua git gai pơ ala mơnuih ƀôn sang dêh čar ơi Nguyễn Đức Hải hăng grup hyu mă bruă hơmâo mông mă bruă hăng tơring čar Lâm Đồng laih dong anom bruă kơsem min put ayuh kơ bruă ngă tui tơlơi pơtrun mrô 57 mơng Ding jum kơđi čar, tơlơi pơtrun mrô 193 mơng Khua pơ ala mơnuih ƀôn sang dêh čar kơ ngă tui sa, dua hơdră bruă yôm phara kiăng pơtrut pơđĭ kyar yua boh thâo phrâo.

VOV4.Jarai-Amăng hơdôm hrơi nao čuă sit nik dêh čar Armenia, lơ 3/4, Khua git gai pơ ala mơnuih ƀôn sang dêh čar ơi Trần Thanh Mẫn bưp Khua mir sir Armenia Vahagn Khachaturyan.