Amăng mông bưp, Khua git gai Ping gah dêh čar lăng yôm hơdôm tơlơi dưi yôm phăn mơ̆ dêh čar Kur dưi ngă amăng thun blan rơgao, đăo gơnang dêh čar Kur amra tŏ tui pơhlôm rơnuk rơnua, hơđong hăng pơđĭ kyar pơdrong sah. Khua git gai Ping gah lăi pơtong tơlơi rô nao rai Việt Nam-Kur hơmâo pơjing hăng hơbôr đĭ mơng gru grua gum pơgôp, pơlir hơbit, amra tuh rơyuh pran jua, pơsăn drơi jăn yua kơ tơlơi rơngai, rơnuk rơnua hăng pơđĭ kyar rĭm boh dêh čar, laih dong yua tơlơi dưi hrŏm mơng kual ASEAN.

Việt Nam lêng kơ lăng yôm hơdôm tơlơi gum pơgôp yôm phăn mơng dêh čar Kur amăng bruă pơklaih rơngai lŏn ia hăng pơđĭ kyar lŏn ia Việt Nam. Việt Nam pơsit tong tŏ tui ngă abih pran jua kiăng hơkrŭ kjăp, pơđĭ kyar tơlơi rô nao rai hiam klă hăng dêh čar ha guai, ngă yang mah gru grua hăng ngă hrŏm djop mơta hăng dêh čar Kur, kah hăng tơlơi rô nao rai ngă hrŏm kơplah wah tlâo boh dêh čar Việt Nam-Kur-Lao.