Ƀơi mông jơnum, mơnuih ruah khua amăng ding jum đăo kơnang hăng lăi pơthâo dơ̆ng ơi Lê Hoài Trung tơbiă anăn pioh ruah ngă khua pơ ala mơnuih ƀôn sang dêh čar tal XVI hăng čang rơmang dưi ruah đĭ ngă pô pơ ala mơnuih ƀôn sang dêh čar tal anai, kiăng ñu gum hrŏm tŭ yua amăng bruă mă pơ ala mơnuih ƀôn sang dêh čar hăng tơlơi gơgrong ba mă bruă tong ten hur har, tŭ yua hloh, kơ bruă akŏ pơdong hăng wai pơgang lŏn ia, lăp hăng anŏ kiăng mơ̆ng mơnuih ruah khua, tơlơi čang rơmang mơ̆ng mơnuih ƀôn sang.

Pơhiăp amăng mông jơnum, Khua ding jum ơi Lê Hoài Trung lăi pơtong, tơdah dưi ruah đĭ dơ̆ng, ñu amra gir run abih pran jua mă bruă, ngă tui djơ̆ tơlơi glăm ba, gơgrong kơtang mơ̆ng sa čô mơnuih ƀôn sang kơnang ruah đĭ, đing nao bruă bưp, bơră ruai hăng mơnuih ƀôn sang, pơđing hmư̆ tơlơi kiăng, anŏ čang rơmang mơ̆ng mơnuih plĕ hră ruah khua, ruah kơ ñu. Abih bang mơnuih ruah khua ƀuh ƀô̆ mơta ƀơi mông jơnum hơmâo yơr tơngan tŭ ư soh kiăng čih anăn ơi Lê Hoài Trung tơbiă anăn pioh ruah ngă ding kơna pơ ala mơnuih ƀôn sang dêh čar tal XVI dơ̆ng.