Pơhiăp ƀơi mông Jơnum, Khua dêh čar ơi Phạm Minh Chính lăi nao tơlơi thâo rơgơi amăng bruă mut hrŏm jar kmar, tui anun khŏm thâo kjăp djŏp tơlơi glăk hơmâo, kiăo tui tơlơi sit nik, pơtrut kơsem min boh thâo, pơblang lăng, pơkă hlâo hơdră ngă bruă hlâo či mut hrŏm jar kmar.

Khŏm pơƀut pran kơtang mơ̆ng djuai ania hăng pran kơtang mơ̆ng rơnuk phrâo, Kơnuk kơna, mơnuih ƀôn sang hăng anom bơwih ƀong. Khŏm lăng yom bruă gum pơgôp jar kmar hăng ngă hrŏm lu bơnah lơ̆m mut hrŏm jar kmar. Khua dêh čar kiăng gum pơgôp kiăng kơtang, ngă hrŏm kiăng tŭ yua, pơtom hiăp kiăng đăo kơnang nao rai hloh. Kơ bruă kiăng ngă amăng thun 2026, Khua dêh čar lăi anai jing thun pơphun brơi bruă mut hrŏm jar kmar mơ̆ng lŏn ia ta amăng rơnuk phrâo, ngă tui tơlơi pơtrun, tơlơi git gai pơtom hiăp mơ̆ng Jơnum ping gah dêh čar tal 14 hăng ba tơbiă tơlơi kiăng ngă hăng bruă ngă hrŏm jar kmar.