Tui Khua git gai Ping gah, yak nao rơnuk pơplih phrâo, sit biă ñu lĕ hơdôm thun giăm anai, Khul tơhan djru tui tlôn-Tơhan djru boh thâo măi mok ăt hơmâo pơgiong bruă jao pơphô bruă brơi Ling tơhan gơnong glông, Ding jum ling tơhan hơdôm hơdră bruă git gai dưm dăp, pơmut hrŏm, pơphun glăi hơdôm anih anom, khul tơhan djru tui tlôn-tơhan djru boh thâo măi mok brơi hơbot, ha amăng plĕ, pơlir hơbit mơng gưl ƀon lan truh pơ djop khul ling tơhan, akŏ pơjing hăng pok pơhai tŭ yua hơdôm akŏ bruă, jơlan hơdră yôm phăn kiăng hơkrŭ glăi, hrưn đĭ tơlơi gal, pran kơtang, djru tui tlôn-djru brơi boh thâo gah ling tơhan, hrưn đĭ pran kơtang amăng blah ngă, pơgôp pơjing khul ling tơhan hơbot, prong kơtang, kjăp bruă, pơplih phrâo.

Pơ anăp anai, lăi nao rơđah tơlơi rơkâo, tŏ tui pơjing ling tơhan hăng khul tơhan djru tui tlôn-tơhan djru boh thâo ngă hơkrŭ kjăp bruă, pơplih phrâo, lăp djơ̆ bruă jao pơjing hăng wai pơgang kjăp lŏn ia amăng rơnuk phrâo, Khua git gai Ping gah rơkâo khul tơhan djru tui tlôn-tơhan djru brơi boh thâo đing nao ngă klă 5 bruă jao phun anun lĕ đing nao hruă kjăp, pơhrăm, pok pơhai ngă tui hơdôm tơlơi pơtrun, tơlơi črâo trun, tơlơi klah čun, tơlơi pơkă mơng gơnong glông, Ping gah ling tơhan, Ding jum ling tơhan, akŏ phun lĕ tơlơi pơtrun Jơnum tal XIV mơng Ping gah, tơlơi pơtrun Jơnum Ping gah ling tơhan tal XII, hơdôm tơlơi pơtrun kơ jơlan gah mơng Ding jum kơđi čar phrâo ba tơbiă.