Tlam lơ 14/1, anom bruă git gai ling tơhan tơring čar Dak Lak pơphun Jơnum lăi pơthâo hơdôm tơlơi pơtrun mơng Ding jum ling tơhan hăng anom pơphô bruă kơ bruă dưm dăp glăi khul git gai ling tơhan gưl să, lăp djơ̆ tơlơi rơkâo, bruă jao amăng rơnuk phrâo. Amăng mông jơnum, Quân khu 5 hơmâo lăi pơthâo hăng jao tơlơi pơsit ruah pơhrua ngă bruă tui thun blan pơkă hăng 102 čô tơhan glăi ngă khua git gai khul git gai ling tơhan djop să, phường amăng tơring čar Dak Lak.

Đĭ pơhiăp git gai, Khua git gai Ping gah tơring čar Dak Lak Lương Nguyễn Minh Triết pơsit tong, bruă ba ling tơhan mut hrŏm khul git gai ling tơhan gưl să lĕ tơlơi yak nao tong ten amăng tơlơi pơtrun prong mơng Ping gah, tơlơi anai yôm phăn amăng bruă pơjing ling tơhan ƀon lan hơđong kjăp; rơkâo ƀing ling tơhan hơmâo ruah pơhrua tañ thâo bruă jao, gơgrong kiăo tui lăng ƀơi ƀon lan, gum hrŏm kjăp hăng gưl Ping gah, gong gai ƀon lan, pơjing Khul git gai ling tơhan gưl să hơđong, prong kơtang djop mơta.