Gia Lai jak iâu tuh pơ alin 3 ring bruă pơkra apui lơtrik pơkĕ jua angin prong
Thứ năm, 15:46, 15/01/2026
VOV Tây Nguyên/Siu H'Mai Pơblang
VOV Tây Nguyên/Siu H'Mai Pơblang
VOV.Jarai - Jơnum min mơnuih ƀôn sang tơring čar Gia Lai phrâo hơmâo tơlơi pơtrun iâu tuh pơ alin 3 ring bruă apui lơtrik pơkĕ jua angin prong, hơmâo Sang măi apui lơtrik pơkĕ jua angin Vân Canh 1, Vân Canh 2 hăng Vĩnh Thuận, prăk pơkra him lăng rơbêh 19.000 klai.
Amăng anun, Sang măi Vân Canh 1 prăp rơmet man pơdong ƀơi să Canh Liên, jua pơđuăi 160MW, prăk pơkra rơbêh 6.900 klai; Sang măi Vân Canh 2 hơmâo man pơdong ƀơi să Canh Liên hăng să Vân Canh, hơmâo jua apui pơđuăi 180MW, prăk pơkra rơbêh 7.770 klai.
Ră anai Kông ti pơčruh ngăn Kual sang măi Sài Gòn - Bắc Giang lăp đing nao, dưi ngă kơčăo bruă anai. Hăng Sang măi apui lơtrik pơkĕ jua angin Vĩnh Thuận, hơmâo man pơdong ƀơi să Vĩnh Quang, jua apui 143MW, prăk man pơdong 4.700 klai, laih anun hơmâo laih anom bruă gơgrong ngă.
Viết bình luận