Jơnum min djop djuai ania mơnuih mơnam Việt Nam gum hrŏm hăng kông ti Biêr-Tơpai-Ia mơnih Sài Gòn (SABECO) pơphun jơlan hơdră “Gơnam ƀong mơñum hrŏm tết Việt-Pơlir djop kual” ƀơi să Kim Bảng, tơring čar Nghệ An. Khul pơphun hơmâo jao 500 anung gơnam tết, rĭm anung gơnam nua ñu 900 rơbâo prăk hơmâo anung gơnam djru hăng prăk kak, djru brơi hơdôm boh sang anŏ ƀun rin, giăm ƀun rin amăng ƀon lan.

Jơlan hơdră ăt pơphun lu bruă mă gru grua anun lĕ tơnă hơbai, pơdă gơnam ƀong Tết plơi pla Nghệ An, pơplông klon ƀañ tek, ngui tơlơi ngui đưm, pơhưč lu mơnuih mut hrŏm. Ƀrô bơyan anai, khul pơphun ăt nao čuă jơmư hăng jao 20 klăk prăk brơi ƀing apăn bruă, ling tơhan puih kơđông tơhan wai pơgang guai mrô 561 bah amăng jang Thanh Thủy, juh alum pran jua tơhan ngă bruă ƀơi guai lŏn ia. Anai lĕ sa amăng hơdôm bruă mă kiăng jao 6.500 anung gơnam tết ƀơi 16 boh tơring čar, ƀôn prong đơ đam dêh čar.