Amăng mông jơnum, djop ding jum, gơnong bruă pơsit tong tơlơi gir run gum hrŏm kjăp phik mơng Kơnuk kơna amăng wai lăng tơlơi bơwih ƀong huă pok prong thun 2026 hăng rơwang pơ anăp dong. Pok pơhai tơlơi pơtrun mrô 01,02 mơng Kơnuk kơna, djop ding jum hơmâo git gai wai lăng jơlan hơdră bruă mă hăng hơnong pơkă gir run prong ƀiă dong hơnong pơkă hơmâo jao, jao bruă tong ten brơi rĭm čô khua apăn akŏ anih anom.

Đĭ pơhiăp pơđut mông jơnum, Khua dêh čar lăi pơtong kiăng ngă pơplih phrâo hơdôm tơlơi pơtrut pơđĭ kyar tui bruă hơđăp, laih dong pơtrut pơđĭ kyar phrâo hăng pran jua thâo pơmĭn khin ngă, khin glăm ba. Khua dêh čar rơkâo pok pơhai tơlơi pơtrun Jơnum tal XIV mơng Ping gah mơng akŏ thun 2026 mơtăm; ngă tui bruă pơkrem 10% prăk mă yua na nao, 5% tuh pơ alin pơđĭ kyar kiăng pioh ngăn rơnoh man pơkra jơlan rơdêh treng Lào Cai-Hà Nội-Hải Phòng, laih dong đing nao đĭ tui yua brơi ling tơhan, tuh pơ alin pơđĭ kyar hăng djru ba mơnuih mơnam.