VOV4.Jarai-Anom bruă tơdăm dra mut phung rơnuk Cộng sản Hồ Chí Minh pơphun bruă mă ngă hrŏm abih bang anăn “Kâo khăp kơ Lŏn ia kâo-Pơ-ư ang Việt Nam”, gum tơngan hrŏm jao brơi 80,000 blah hla gru Lŏn ia hăng 80.000 pok rup Wa Hô kơ djop sang anŏ tơnap tap ƀơi kual guai dêh čar.

VOV.Jarai - Amăng krah kual phun mơ̆ng kual djă pioh jua suă rŏng lŏn tơnah Kon Ka Nừng, Đang glai dêh čar Kon Ka Kinh (tơring čar Gia Lai) jing anih anom hmâo lu mơta ra mơnong yôm phăn, hrŏm hăng anun hmâo tom anô̆ gal prong kơ pơlar tuai čuă lăng glai klô pơkĕ hrŏm plơi pla hăng bôh thâo đưm ƀơi anai. Ră anai, tơring čar Gia Lai glăk amăng ƀrư̆ pok pơhai akô̆ bruă pơgang hăng mă yua djơ̆ phiăn hơdôm nua yôm phara, anăp nao ngă brơi Kon Ka Kinh jing anih nao hmư̆ hing truh tuai čuă ngui amăng lŏn ia hăng mơ̆ng dêh čar tač rơngiao.

VOV.Jarai - Anai hơmâo lăng jing phun atur brơi ƀuh djŏp tơlơi bơdjơ̆ nao tơlơi pơhing, hră pơ-ar, rup, djru čih pơkra hơdră ngă bruă, pơđĭ kyar hloh, akŏ pơjing Kơnuk kơna mă yua boh thâo mrô, abih bang mơnuih mă yua boh thâo mrô, hăng bơwih ƀong mrô, pơhlôm rơnuk rơnua hơđong lŏn ia.

VOV.Jarai - Amăng 4 kơčăo bruă, ring bruă tơring čar Lâm Đồng pơphun man pơkra, mă yua amăng hrơi ngă lơphet 80 thun Hrơi ngă hơkrŭ blan 8 hăng Hrơi akŏ pơdong Kơnuk kơna lơ 2/9 hơmâo 3 kơčăo bruă pơ Bình Thuận, 1 ƀơi Lâm Đồng hơđăp.

VOV.Jarai - Lơ 18/8, ƀơi phường Pleiku, Jơnum min mơnuih ƀôn sang tơring čar Gia Lai pơphun Jơnum pơtrut ba sĭ gơnam pơ dêh čar Khač.

VOV.Jarai - Kông an tơring čar Lâm Đồng pơphun bơbưp ƀing mơnuih hmư̆ hing hơmâo lu mơnuih thâo amăng plang internet (KOL), pô wai lăng hơdôm glông pôr, khul grup.

VOV.Jarai-Khul sang bruă mơdrô ƀơi Dak Lak hrŏm hăng grup ngă bruă mơdrô dêh čar Khač kĭ pơkôl akŏ pơjing anih bơlăi pơthâo tơlơi pơhing gơnam sĭ modrô boh troh ASIAN pơdong ƀơi tơring čar Dak Lak.

VOV.Jarai - Hơdôm thun laih rơgao, tơhan kông an djŏp gưl pơtrut tui klă laih tơlơi gơgrong bruă pơgang ba tơlơi hơdip rơnuk rơnua yâo mơak kơ mơnuih ƀôn sang, laih dong pơphun ngă tŭ yua bruă abih bang mơnuih ƀôn sang gum pơgang ba rơnuk rơnua Lŏn ia. Yua hnun mơn, mơnuih ƀôn sang djŏp djuai ania thâo pơmin, gir pơgang hrŏm, pơgăn mơnuih ngă soh, bong kjăp khul gum pơgôp hăng ngă hơđong kjăp rơnuk rơnua mơ̆ng plơi pla mơtăm. Ƀơi să Ea Ktur, tơring čar Dak Lăk - anih mơ̆ mơnuih ƀôn sang djuai ƀiă pơklaih ƀun rin laih, hrưn đĭ bơwih ƀong, hơdip trơi pơđao, yâo mơak amăng plơi pla rơnuk rơnua, pơsit brơi rơđah tơlơi gum pơgôp, hơdip rơnôm, jê̆ giăm mơ̆ng tơhan kông an hăng mơnuih ƀôn sang.

VOV.Jarai-Amăng hrơi mông đơ đam dêh čar pioh hơdor glăi 80 thun ngă hơkrŭ blan 8 hăng akŏ pơjing kơnuk kơna lơ 2/9, Khua git gai pơ ala mơnuih ƀôn sang dêh čar ơi Trần Thanh Mẫn hơmâo mut hrŏm jơlan hơdră “Glăi čuă jơmư̆ anih gru grua-anăp nao kơñ pơgi” ƀơi să Tân Trào, tơring čar Tuyên Quang.

VOV.Jarai - Bruă hơkrŭ blan 8 hăng hrơi pơdŏng Lŏn ia lơ 2/9 hmâo nua yôm rơnuk hăng pran gơgrong mơ̆ng ñu, ƀu kơnong kơ hmâo nua hăng hmâo bôh tŭ yua prong hăng bruă hơkrŭ Việt Nam ôh mơ̆, ñu dô̆ jing mông jơnum yôm phăn mơ̆ng bruă pơphun gơgrong tlaih rơngai djuai ania ƀơi rŏng lŏn tơnah.