Amăng mông bưp mơnuih ƀôn sang, Khua dêh čar pơpŭ bơni ƀôn prong Cần Thơ hăng djop ding jum, gơnong bruă, anom bruă hơmâo pok pơhai khut khăt hơdôm tơlơi črâo trun mơng Khua dêh čar sui mơng anai rơbêh 2 blan (lơm Khua dêh čar nao bưp mơnuih ƀôn sang ƀơi Cần Thơ hlâo kơ jơnum lok 10, Khua pơ ala mơnuih ƀôn sang dêh čar tal XV) kơ bruă pơgiong hơdôm pok hră pơ-ar bơdjơ̆ nao akŏ bruă tuh pơ alin man pơdong Sang ia jrao pơjrao ruă bơbrah asar Cần Thơ phrâo, plih mơng rơnoh prăk čan ODA hơdai nao mơng rơnoh prăk tuh pơ alin man pơdong; laih dong hơmâo pơgiong hră pơ-ar blơi 2 boh măi xạ trị brơi Sang ia jrao pơjrao ruă bơbrah asar Cần Thơ ră anai.

Lăi pơtong hrơi blan pơ anăp đing nao pơgiong tơhnal pơkă, hơdră pơsir mơng “tơlơi gun” jing “tơlơi dưi, bơkơtưn dêh čar” kiăng pơhưč ngăn rơnoh amăng lŏn ia hăng tač rơngiao, Khua dêh čar brơi thâo, djop anih anom kơđi čar ƀôn prong, mơnuih ƀôn sang, anom bơwih ƀong sĭ mơdrô kiăng mut hrŏm, pơjing pran kơtang abih bang yua “Pran kơtang ba glăi mơng tơlơi pơmĭn hăng tơlơi anăp nao, tơlơi pơtrut ba glăi mơng tơlơi pơplih phrâo hăng pơčeh phrâo, pran kơtang mơng mơnuih ƀôn sang hăng anom bơwih ƀong sĭ mơdrô”.