Tlam tom brơi (lơ 29/12), ƀơi Hà Nội, Khua git gai Ping gah ơi Tô Lâm nao čuă hăng ngă bruă tom Anom djă pioh djŏp hră pơ-ar mrô sa. Hơmâo akŏ pơdong mơ̆ng akŏ thun anai, ră anai Anom bruă djă pioh djŏp hră pơ-ar dêh čar mrô sa hơmâo pơmut lu hră pơ-ar mrô bơwih brơi bruă wai lăng kơnuk kơna hăng đĭ kyar bơwih ƀong huă - mơnuih mơnam. Glông bơwih brơi bruă čar glăk hơmâo ngă bruă kiăng jing “sa bah amăng mrô pơtum ha sa anih đôč”, ngă hră amuñ ƀiă tui hăng hră pơ-ar amăng boh thâo mrô hơmâo hơđăp...

Ƀơi mông ngă bruă, Khua git gai Ping gah ơi Tô Lâm bơni kơ hơdôm bruă hơmâo ngă tŭ yua mơ̆ng Ding jum kông an, hơdôm Ding jum, anom bruă bơdjơ̆ nao hăng abih bang khua mua, ling tơhan ƀơi Anom djă pioh djŏp hră pơ-ar dêh čar ta hơmâo ngă amăng hrơi blan rơgao. Khua git gai Ping gah ăt črâo rơđah, 3 tơlơi tơnap prong hloh ăt jing 3 tơlơi “dŏ kơđông” kiăng gir găn rơgao: anun lĕ bruă pơkra klă glông djă pioh hră pơ-ar mrô; anih pơčeh phrâo kiăo tui hră pơ-ar mrô; hơnong pơkă dưi prăp mă pô măi mok yom phun hăng mơnuih mă bruă rơgơi dŏ kơƀah. Khua git gai Ping gah kiăng, Anom djă pioh hră pơ-ar mrô dêh čar ta kiăng lăi pơthâo tong ten, pok pơhai ngă klă 5 tơlơi anăp nao prong, amăng anun pơƀut akŏ pơdong Anom bruă jing “hơtai boh” mơ̆ng bơwih ƀong kiăo tui hră pơ-ar mrô, mơnuih ƀôn sang mă yua hră pơ-ar mrô; jing “akŏ dlô” bơwih brơi, tŭ yua bruă git gai črâo bruă mơ̆ng Ping gah, Kơnuk kơna hăng djŏp bruă hơmâo amăng mơnuih tơpuôl./.