Pơhiăp amăng jơlan hơdră anai, Kơ-iăng khua mir sir yă Võ Thị Ánh Xuân lăi rơđah, amăng hơdôm thun rơgao, sit biă ñu lĕ thun 2025, tui tơlơi git gai mơng Ping gah, dêh čar ta hơmâo ngă tui lu bruă jao akŏ phun kơđŏm tơlơi yôm, ngă atur kiăng ba lŏn ia ta yak nao rơnuk pơplih phrâo-rơnuk prong kơtang, pơdrong sah, yâo mơ-ak. Laih dong, kiăng pơhlôm hlâo klin kman, hơjan kơthel, ia ling dăo amra ƀuh dong ƀơi hơdôm boh ƀon lan, hơdôm kual amăng đơ đam dêh čar, hơmâo bơdjơ̆ nao tơlơi hơdip kơ lu mơnuih, sit biă ñu lĕ ƀing dju djuam duam ruă, rơwen rơwo jô găn, ƀing čơđai.

Lơm anun, Ping gah, kơnuk kơna hơmâo ba tơbiă lu tơlơi črâo trun, hơdră bruă hrŏm mơnuih mơnam mă yua ngăn rơnoh djru brơi hmao tlôn kơ mơnuih ƀôn sang, sit biă ñu lĕ ƀing čơđai, anăm brơi hlơi ôh hơdip tơnap tap đơi. Amăng jơlan hơdră “Bơyan bơnga brơi ƀing čơđai” tal 19, keh prăk djru čơđai Việt Nam tŭ mă rơbêh 116 klai prăk mơng giăm 60 anih anom, ƀing mơnuih djru brơi čơđai tơnap tap hloh amăng thun 2026.