Ƀơi mông jơnum, ƀing khua pơčrông sai kơ hơdôm bruă kiăng ngă lơ̆m iâu pơthưr mơnuih ƀôn sang, akŏ pơdong kjăp pran jua gum pơgang lŏn ia mơ̆ng ană plơi pla, hăng bruă ling tơhan, pơgang lŏn ia amăng rơnuk phrâo. Ƀing tha plơi, khua plơi, mơnuih ană plơi kơnang, khua đăo rơgơi mơbruă jing pơjeh djuai pơtruh brơi amăng plơi pla, pơtruh brơi kjăp plah wah Ping gah, gong gai, tơhan blah ngă hăng mơnuih ƀôn sang.

Đại tướng Nguyễn Trọng Nghĩa pơpŭ bơni hơdôm tơlơi gum pơgôp yom mơ̆ng ƀing tha plơi, khua plơi, mơnuih ană plơi kơnang, ƀing khua đăo amăng hrơi blan rơgao.Đại tướng pơsit tơlơi pơmin tơpă hơnong mơ̆ng Ping gah, Kơnuk kơna, hăng ling tơhan: mơnuih ƀôn sang yơh akŏ phun, ngă pô mơ̆ng djŏp jơlan hơdră ngă bruă laih anun jing pran kơtang pơsit bruă pơplih phrâo, đĭ kyar mơ̆ng lŏn ia. Đại tướng čang rơmang pơ anăp, ƀing tha plơi, khua plơi, mơnuih ană plơi kơnang, khua đăo pơtrut tui tơlơi gơgrong bruă, gum hrŏm hăng Ling tơhan laih anun gong gai gum lăng ba tơlơi hơdip, pơtô ană bă, djă bong kjăp rơnuk rơnua plơi pla, pơdong atur kjăp kơ bruă đĭ kyar hơđong mơ̆ng kual Dap Kơdư./.